Didimanyisha 19:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bakaha mukashi bua kudiluatshisheye ne tshilulu tshia line tshilengele, tshidi tshikenka ne tshitoke; bualu bua tshilulu tshia line tshilengele tshidi bienzedi biakane bia basanto.

MUKANDA WA MYIDI MUKULU

⁸ Bavua banyishe bua mukajende avuale bilamba bimpe, bienza ne buanda bua ndanda, biengelela kabiyi katoba.” (Bilamba bimpe bienza ne buanda bua ndanda, bidi bileja malu mimpe avua bantu ba Mvidi Mukulu benze.)

Didimanyisha 19:8 Referans Kwoze

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Didimanyisha 3:18

Ndi nkulesha lungenyi lua kusumba ngolo kundi udi mulengeshibue mu kahia bua wewe ulue mubanshi, ne bivualu bitoke bua kudiluatshisha nʼabi bua bundu bua butaka buebe kabumueneki, ne buanga bua kulaba ku mesu ebe bua wewe umanye mua kutangila.

Rome 13:14

Kadi nudiluatshishe ne Mukelenge Yesu Kilisto; kanulongoluedi mibidi malu bua kumana nkuka yai.

Marke 9:3

bilulu biandi biakengelela, biakadi bitoke tô, buvu ba bilulu bonso ba ha buloba kabena bamanye mua kubitokesha nunku.

Matayi 22:12

Mukelenge wakamukonka ne, Ka, mulunda, wakubuela munomo, kui ne tshilulu tshia dibanji? Muntu wakahua.

Misambu 132:9

Baluatshishe bakuidi bebe ne buakane, bansanto bebe bele mbila bua disanka diabo.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.

Yezekiyele 16:10

Nakakuluatshisha ne mayeka akadi ne malenda mimpe, nakabuesha bisabata bia tshiseba tshia nyama wa mu mai ku makasa ebe, nakakujingila tshilulu tshia lin tshinefuke, nakakuluatshisha tshilulu tshia soie.

Bienzedi 1:10

Hakadiye uya, bakatangila mu diulu talala; monai, balume babidi bimane ha buihi nʼabo baluate bilulu bitoke tô;

Luke 24:4

Hakadibo balubakana bua bualu ebu, monai, balume babidi bakadi bimane ha buihi nʼabo baluate bilulu biengelela.

Rome 3:22

Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Matayi 17:2

Yeye wakakudimuka ku mesu kuabo; mpala wandi wakaditemena bu diba, bilulu biandi biakatoka bu munya.

Nsumuinu 31:22

Udi udikumina bilulu bia ha bulalu; bivualu biandi bidi bia lin bia mushinga mukole ne bikunzubile.

Yezekiyele 44:17

Habuelabo mu bibuelelu bia ku tshiendelu tshia munda, baluate bivualu bia lin; kabikadi ne tshintu tshia miosa ya mikoko hamʼbidi habo hatshidibo bakuata mudimu munda mua luhangu lua ku tshiendelu tshia munda, anyi mu tshitendelelu mene.

Didimanyisha 15:6

Ne banjelo muanda mutekete bakadi ne makenga muanda mutekete bakaluhuka mu ntempelo, baluatshishibue mabue a mushinga mukole, matoke ne makenka, banyungulule ne mikaba ya ngolo ha biadi biabo.

Didimanyisha 19:14

Bena nvita ba mu diulu bakamulonda ba nyima ha tubalu tutoke, baluatshisha bilulu bia line bitoke ne bilengele.

Yeshaya 3:23

ndimuenu ya kukuata ku bianza, bilulu bia mushinga mukole bia lin, bifulu ne bilulu bia kubuikila ha mpala.