Didimanyisha 15:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Ne ntempelo wakûshibua tente ne muinshi wa ku butumbi bua Nzambi ne ku bukole buandi; ne nasha umue wakamanya mua kubuela munda mua ntempelo, tô ne hashika makenga muanda mutekete a banjelo muanda mutekete.

MUKANDA WA MYIDI MUKULU

⁸ Ke nzubu wa Mvidi Mukulu kuwula ne muinshi, bualu bua butumbi ne bukole bia Mvidi Mukulu. Muntu nansha umue kavua mua kubuela mu nzubu wa Mvidi Mukulu, bipupu muanda mutekete, bivua batumibue bafike nabi, kabiyi bianji kukumbana.

Didimanyisha 15:8 Referans Kwoze

Yeshaya 6:4

Bishimikidi bia ku mbelu kua nsubu biakakanka bua dî dia wakadi wela lubila, ne nsubu wakûla tente ne muishi wa kahia.

Didimanyisha 15:1

Nakatangila tshimanyinu tshikuabo mu diulu, tshinene ne tshia dikema: banjelo muanda mutekete bikale ne makenga muanda mutekete, adi a kunshikidilu, bualu bua kudiu kudi tshishi tshia Nzambi tshishika.

2 Tesalonike 1:9

bobo aba nebahete dikenga, dibutuka dia tshiendelele mene, dia ku mesu kua Mukelenge ne ku butumbi bua bukole buandi,

Misambu 29:9

Dî dia Yehowa didi dilelesha ngulungu bana, didi diubula mitshi ya metu, divuisha metu matuhu. Mu ntempelo wandi bonso badi bela mbila ne, Mutumbishai!

Rome 11:33

Monai ndondo wa bubanshi bua meshi ne lungenyi bua Nzambi! Monai mutudi katui mua kujingulula bilumbuluidi biandi, mutudi katui mua kulonda nshila yandi!

Muadi 3:44

Wakudibuikila ne ditutu, nunku kakuena mutendelelu udi mua kufika kûdi.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Ekesode 19:18

Mukuna wa Sinai wonso wakadi ne muishi, bualu bua Yehowa wakahueka ha mutu hau mu kahia, muishi wakabanda bu muishi wa tshikutu, mukuna wonso wakakanka bikole.

Lewitiki 16:2

Yehowa wakambila Mose ne, Wambile Alona, mukulu webe, ne, Kulu nusangu yonso mu muaba wa tshijila udi ku nyima kua tshilulu tshikudika ku mpala kua tshibuikilu tshia mushete wa Nzambi, kufu biebe, bualu bua meme nemmueneke mu difutu ku mutu kua tshibuikilu tshia mushete wa Nzambi.

Didimanyisha 21:11

muikale ne butumbi bua Nzambi; ne dinkenka diau diakafuana dibue dia mushinga mutambe bukole, bu dibue dia yasape, ditoke tô bu ntalatala.