Didimanyisha 12:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku, sankai bienu, mûlu ne nuenu badi bashikamamu. Mulau wikale ha buloba, ne kudi mai manene, bualu bua diabolo wakuhueka kunudi, muikale ne tshishi tshikole, mumanye ne, Udi ne musangu muihi.

MUKANDA WA MYIDI MUKULU

¹² Nanku nuenu, diulu ne badi basombamu, tuayi tshianga! Kadi nuenu, buloba ne mayi manene, nudi bena diakabi! Bualu diabolu mmupueke kunudi. Udi ne tshiji tshikole, bualu udi mumanye mudi matuku ende mashale makese.”

Didimanyisha 12:12 Referans Kwoze

Didimanyisha 8:13

Nakatangila, ne nakunvua nyunyu wa mukanku umuehele uhahala munkatshi mua diulu, wamba ne dî dikole ne, Mulau, mulau, mulau, kudi badi bikala ha buloba, bualu bua mei makuabo a mpungi ya banjelo basatu badi balua kuela.

Yeshaya 49:13

Diulu, imbaku biebe; buloba, sankaku biebe; nuenu mikuna, bandishai mei enu mu kuimba kua misambu! Bualu bua Yehowa wakusamba bantu bandi, ne neafuile bantu bandi badi bakenga luse.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.

Didimanyisha 10:6

wakaditshiha kudi udi ne muoyo tshiendelele, wakafuka diulu ne bintu bidimu, ne buloba ne bintu bidihu, ne mai manene ne bintu bidimu, ne, Kakuena dishanguluka kabidi;

Didimanyisha 11:10

Ne badi bikala ha buloba badi basanka bua bualu buabo, ne badi banaya; nebatuminangane bintu bia disanka, bualu bua baprofete aba babidi bakakengesha badi bikala ha buloba.

Didimanyisha 9:12

Mulau wa kumudilu wakuhita; tangila, milau ibidi itshidi ilua ku nyima kua malu â.

Luke 15:10

Ndi nuambila ne, Nunku kabidi disanka didi ku mesu kua banjelo ba Nzambi bualu bua muntu umue mubi wakukudimuna mutshima wandi.

Didimanyisha 11:14

Mulau muibidi wakahita, imona, mulau muisatu ulualua lubilu.

2 Petro 3:8

Kadi bananga, kanuhu muoyo bua bualu ebu bumue ne, Dituku dimue kudi Mukelenge didi bu bidimu tshinunu, ne bidimu tshinunu bidi bu dituku dimue.

Ebrewu 10:37

Bualu bua haleba musangu muihi. Yeye udi ulua nealue, kena unenga.

Luke 2:14

Butumbi buikale kudi Nzambi mu diulu, Ditalala dikale hanshi ha buloba munkatshi mua bantu badi basankisha Nzambi.

Yeshaya 44:23

Bia mu diulu, imbai bualu bua Yehowa wakuenza nunku; bidi mu ndondo wa buloba, elai mbila! Bandishai mei enu mu kuimba kua misambu, nuenu, mikuna, ditu, ne mitshi yonso idimu! Bualu bua Yehowa wakuhikula Yakoba, neaditumbishishe mu Isalele.

Didimanyisha 12:9

Dragon munene wakedibua hanshi, nyoka au wa kale, yeye udi muidikibue ne, Diabolo ne Satana, mudingi wa ba ha buloba bonso; wakedibua hanshi ha buloba, ne banjelo bandi bakedibua nʼandi hanshi.

Didimanyisha 13:6

Ne wakabulula mukana muandi bua kubendeye Nzambi bihendu; bua kuhendeye dina diandi ne nsubu wandi wa tshilulu, bobo mene badi bikala mu diulu.