Didimanyisha 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ wakaditshiha kudi udi ne muoyo tshiendelele, wakafuka diulu ne bintu bidimu, ne buloba ne bintu bidihu, ne mai manene ne bintu bidimu, ne, Kakuena dishanguluka kabidi;

MUKANDA WA MYIDI MUKULU

⁶ uditshipa mu dina dia Mvidi Mukulu udi ne muoyi kashidi, uvua mufuke diulu ne bionsu bidimu, buloba ne bionsu bidimu, mayi manene ne bionsu bidimu, wamba ne: — Kakuena dituku dikuabu to, amu lelu!

Didimanyisha 10:6 Referans Kwoze

Didimanyisha 4:11

Wewe, Mukelenge wetu ne Nzambi wetu, udi muakane bua kuangata butumbi ne buneme ne bukole; bualu bua wewe wakafuka bintu bionso, ne bualu bua disua diebe biakadiku, ne biakafukibua.

Didimanyisha 16:17

Wa muanda mutekete wakahongolola luhanza luandi mu luhehele, ne dî dikole diakahatuka mu ntempelo, difuma ku nkuasa wa butumbi, diamba ne, Buakuenjibua;

Didimanyisha 4:9

Ne hafila bifukibue bidi ne muoyo butumbi ne buneme ne disakidila kudi yeye udi ushikama ba nkuasa wa butumbi, kudi yeye udi ne muoyo tshiendelele,

Genese 14:22

Abalama wakambila mukelenge wa Sodoma ne, Nakamana kubisha tshianza tshianyi bua kuditshiha kudi Yehowa, Nzambi Mutambe Bunene wa mu Diulu, mufuki wa diulu ne buloba,

Ekesode 6:8

Meme nendue nʼenu mu buloba bunakalaya Abalahama ne Isaka ne Yakoba, nennuhebu bu buhianyi ndi Yehowa.

Ekesode 20:11

bualu bua Yehowa wakafuka diulu ne buloba ne mai manene ne bintu bionso bidimu matuku asambombo, wakikisha biandi dituku dia muanda mutekete, nunku Yehowa wakalengesha dituku dia muanda mutekete, wakadijidila.

Dibadika 14:30

bulelela, nuenu kanuena nulua mu buloba bunakanulaya bua nuenu nushikamemu, anu Kaleba, muana mulume wa Yefune, ne Yoshua, muana mulume wa Nuna.

Yezekiyele 20:5

Ubambile ne, Mukelenge Yehowa udi wamba ne, Mu dituku dinakasungula Isalele, ne dinakabisha tshianza tshianyi bua kuditshiha kudi tunkanunuma tua Yakoba, ne dinakadimuenesha kudibo mu buloba bua Ejipitu, hanakaditshiha kudibo mutshihu eu ne, Meme ndi Yehowa, Nzambi wenu;

Danyele 12:7

Nakunvua dî dia muntu wakadi muluate bilulu bia lin, ne wakadi umueneka ku mutu kua mai a musulu, hakabisheye tshianza tshiandi tshia balume ne tshia bakashi mulu, wakaditshiha mu dina dia udi ne muoyo tshiendelele ne, Malu â neashike hahita tshikondo tshimue, bikondo bibidi ne tshituha tshia tshikondo, hamanabo kutekesha bukole bua bantu ba tshijila.

Didimanyisha 1:18

ne Udi ne muoyo; nakadi mufue, ne mona, ndi ne muoyo tshiendelele, ne ndi ne nvungula ya lufu ne ya Muaba wa Bafue.

Didimanyisha 4:10

bakulu makumi abidi ne banai nebahone ku mpala kua yeye udi ushikama ha nkuasa wa butumbi, nebatendelele yeye udi ne muoyo tshiendelele, nebele bifulu biabo bia butumbi ku mpala kua nkuasa wa butumbi, bamba ne

Didimanyisha 6:11

Bakabahesha, muntu ne muntu, diyeka ditoke; ne bakabambila bua kuanza kuikisha tshituha tshihi tô ne hakumbashibua bahika nʼabo, ne bana babo ba mu Kilisto, badi balua kushihibua bu bobo.

Didimanyisha 12:12

Nunku, sankai bienu, mûlu ne nuenu badi bashikamamu. Mulau wikale ha buloba, ne kudi mai manene, bualu bua diabolo wakuhueka kunudi, muikale ne tshishi tshikole, mumanye ne, Udi ne musangu muihi.

Didimanyisha 21:6

Yeye wakangambila ne, Akuenjibua. Meme ndi A ne Z, tshibangidilu ne nshikidilu. Nempe udi ne nyota mai a ku mushimi wa muoyo tshianana.