Dibadika 8:2 - Mukanda wa Nzambi Dihungila Dikulukulu ne Dihungila Dihia-dihia 2003

² Wambile Alona ne, Hawatemesha minda minda muanda mutekete neyikale ku mpala kua tshitekelu tshia muinda.

MUKANDA WA MYIDI MUKULU

² bua ambile Arone ne: — Paudi utemesha miendu muanda mutekete, uyiteke bimpe bua itokeshe kumpala kua tshitekelu tshia miendu.

Dibadika 8:2 Referans Kwoze

Ekesode 25:37

Enza minda muanda mutekete, bualu bua kutemenayi muaba udi ku mpala kua tshitekelu.

Didimanyisha 4:5

Ne ku nkuasa wa butumbi kudi kuhatuka miele ya nvula, ne mei, ne mikungulu ya nvula. Minda muanda mutekete ya kahia idi itema ku mpala kua nkuasa wa butumbi, idi Nyuma ya Nzambi muanda mutekete.

Didimanyisha 1:20

bualu busokoka bua mitoto muanda mutekete iwakatangila mu tshianza tshianyi tshia balume, ne bua bitekelu bia minda ya ngolo muanda mutekete. Mitoto muanda mutekete idi banjelo ba ekelesia muanda mutekete, ne bitekelu bia minda muanda mutekete bidi ekelesia muanda mutekete.

Didimanyisha 1:12

Nakatshinguluka bua kutangila dî diakakula nʼanyi. Hanakatshinguluka, nakamona bitekelu bia minda bia ngolo muanda mutekete;

2 Petro 1:19

Ne tudi ne di diakamba baprofete ditamba kujadikibua; nunku nudi nuenza bimpe binuadimuka bienu, bu mudibu kudi muinda udi utema mu muaba wa midima, tô ne hatshia butuku ne habanda mutoto wa nkesha mu mitshima yenu;

Yowanane 1:9

Munya mulelela wakadiku, wakadi ulua ha buloba, utemena bantu bonso.

Matayi 5:14

Nuenu nudi munya wa buloba. Kabena bamanye mua kusokoka musoko udi muasa ha mukuna.

Misambu 119:130

Kubulula kua mei ebe kudi kutemeshila bantu munya, kudi kuhesha muntu mutshimbakane lungenyi.

Misambu 119:105

Dî diebe didi muinda ku makasa anyi ne munya muteme mu nshila wanyi.

Lewitiki 24:4

Yeye nealongolole minda ha bitekelu biai bia or numpe ku mpala kua Yehowa ku dituku ku dituku.

Ekesode 40:25

Wakatemesha minda ku mpala kua Yehowa bu muakambila Yehowa Mose.

Ekesode 37:23

Wakenza minda muanda mutekete ne biamu bia kujimisha nʼabi minda ne malonga ai ne or nkayandi.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Dibadika 8:1

Yehowa wakambila Mose ne,

Dibadika 8:3

Alona wake nza nunku, wakatemesha minda ku mpala kua tshitekelu tshia muinda, bu muakambila Yehowa Mose.

Ekesode 39:37

ne bitekelu bia minda, ne minda ne malonga au onso, ne manyi a minda,