Dibadika 21:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bantu bakalua kudi Mose, bakamba ne, Tuakuenza bibi bualu bua tuetu tuakujiana Yehowa ne wewe kabidi, ulombe Yehowa atumushile nyoka munkatshi muetu Mose wakalombela bantu Nzambi.

MUKANDA WA MYIDI MUKULU

⁷ Bavua bashale, kunyemenabu kudi Moshe, bamuambila ne: — Tudi bena tshibawu, bualu tuvua bakujane wewe, bajane kabidi ne Maweja-Nangila. Nanku, usengelele Maweja-Nangila. Atumushile nyoka eyi! Moshe kulombela bena Izrayele kudi Maweja-Nangila.

Dibadika 21:7 Referans Kwoze

Bienzedi 8:24

Simona wakakudimuna dî ne, Nundombele Mukelenge bua nasha bumue bua malu anuakuamba kabufiki kundi.

Misambu 78:34

Hakabashiheye, hashishe, bakamukeba; bakahingana kudiye, bakakeba Nzambi ne lukunukunu.

Dibadika 11:2

Bantu bakadila kudi Mose, ne Mose wakalomba Yehowa, kahia kakajima.

Ekesode 8:8

Palo Wakabikila Mose ne Alona, wakamba ne, Nundombele Yehowa, yeye umushe biula kundi ne kudi bantu banyi, nendekele bantu baye kushihela Yehowa nyama.

1 Bakalenga 13:6

Mukelenge wakambila muntu wa Nzambi ne, Undombele luse lua Yehowa, Nzambi webe, bua yeye angakashile tshianza tshianyi kabidi. Muntu wa Nzambi wakamulombela Yehowa ne tshianza tshia mukelenge tshiakakana kabidi bu muakaditshi diambedi.

Ekesode 8:28

Palô wakamba ne, Nennulekele, nuye mu tshihela bua kushihela Yehowa Nzambi wenu nyama, kadi kanuyi kule, nundombele Nzambi.

Yakobe 5:16

Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

Rome 10:1

Bana betu, disua dia mu mutshima wanyi ne dilomba dianyi kudi Nzambi bua bualu buabo bidi bua bobo bahete luhandu.

Matayi 27:4

wakamba ne, Nakuenza bibi bualu bua nakutungila muntu tshitungu udi kai ne bualu. Kadi bobo bakamuambila ne, Ebu mbualu buetu, anyi? Mbualu buebe.

Osheya 5:15

Nenye, nempingane ku muaba wanyi, tô ne hatondabo bubi buabo ne hakebabo mpala wanyi. Mu makenga abo nebankebe ne lukunukunu, bamba ne,

Yirmeya 37:3

Mukelenge Sedekiya wakatuma Yehukala, muana wa Shelemeya, ne Sefanya muakuidi, muana wa Mâseya, kudi Yelemiya muprofete, bamba ne, Utulombele Yehowa, Nzambi wetu.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Misambu 106:23

Nunku yeye wakamba ne, Nembabutule; bualu buakadiye kuenza, kadi Mose, muntu wandi musungula, wakimana hankatshi habo ne Nzambi bua kukudimuneye tshiji tshiandi bua kababutudi.

Yobe 42:10

Yehowa wakakudimuna dikenga dia Yobo, wakamu hingishila diakalengele, hakalombeleye balunda bandi Nzambi. Yehowa wakavudisha bintu bia Yobo bihite bia diambedi misangu ibidi.

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

1 Samuele 15:30

Hashishe Shaula wakamba ne, Nakuenza bibi, kadi unnemeshe katataka, ndi nkusengelela, ku mesu kua bakulu ba bantu banyi ne kua Bena Isalele, uhingane nʼanyi kabidi bua meme kutendelela Yehowa, Nzambi webe.

1 Samuele 15:24

Shaula wakambila Samuele ne, Nakuenza bualu bubi bualu bua nakuhidia mukenji wa Yehowa ne mei ebe kabidi; nakatshina bantu, nakatumikila mei abo.

Dielulula 9:20

Yehowa wakadi ne Alona tshiji tshikole bua kumushiha; nakalombela Alona musangu eu kabidi.

Ekesode 32:30

Hakatshiabu Mose wakambila bantu ne, Nuenu nuakuenza bualu bubi bunene Katataka nembande kudi Yehowa, binamanya mua kunubuikidila bubi buenu.

Ekesode 32:11

Mose wakatendekena Yehowa, Nzambi wandi, wakamba ne, Yehowa, bualu kai tshiji tshiebe tshidi tshitambe bukole kudi bantu bebe bawakaluhula mu buloba bu Ejipitu ne bukole bunene ne tshianza tshia bukole?

Genese 20:7

Nunku uhingashe mukashi kudi mulume wandi, bualu bua yeye udi muprofete, neakulombele Nzambi bua wewe wikale ne muoyo, kadi biwahidia kumuhingasha, umanye biebe ne wewe ne bantu bonso baudi nʼabo nenufue bulelela.

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.

2 Bakalenga 13:4

Yehoaza wakadila kudi Yehowa ne Yehowa wakamunvuila; bualu bua yeye wakatangila dikenga dia Bena Isalele diakabakengeshabo nʼadi kudi mukelenge wa Sulia.

Yeshaya 26:16

Yehowa, hakadibo mu makenga, bakakukeba; bakatuma milombu kûdi bakadi makengesha ebe hamʼbidi habo.

Ekesode 8:4

Biula nebilue hamʼbidi hebe ne hamʼbidi ha bantu bebe ne hamʼbidi ha bahika bebe bonso.

Ekesode 10:17

Nundekelele bubi buanyi anu musangu eu, nundombele Yehowa Nzambi wenu, yeye angumushile bualu ebu bua lufu.