Dibadika 19:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Muntu yonso udi ulenga muntu mufue bianza, mubidi wa muntu mumane kufua, ne kena udilengesha, yeye udi wona nsubu wa Yehowa, nebamumushe munkatshi mua Bena Isalele, bualu bua kabakamumiamina mai a kumulengesha nʼau, yeye kena wikala muakane, ne bubi buandi butshidi hamʼbidi handi.

MUKANDA WA MYIDI MUKULU

¹³ Muntu yonsu udi ulenga tshitalu kayi musue kudikobolola, udi unyanga nzubu wa Maweja-Nangila. Nebamuipate munkatshi mua bena Izrayele. Bu muvuabu kabayi bamumiamine mayi a tshijila, udi amu ne mikiya.

Dibadika 19:13 Referans Kwoze

Lewitiki 15:31

Nunku nenutahulule Bena Isalele ku bukoya buabo, bua bobo kabafu mu bukoya buabo honabo nsubu wanyi wa tshitendelelu tshidi munkatshi muabo.

Lewitiki 22:3

Ubambile kabidi ne, Muntu yonso wa munkatshi mua bana benu ku bikondo biabo bionso udi ulua ha buihi ne bintu bidi Bena Isalele bajidile Yehowa ne mubidi wandi kauyi muakane, nebamumushe ku mesu kuanyi meme ndi Yehowa.

Lewitiki 7:20

kadi mundi udi kayi mudijidile udi udia munyinyi wa mulambu wa kuvuisha nʼau ditalala udibo bafila kudi Yehowa, nebumushe mundi eu munkatshi mua bana babo.

Didimanyisha 22:15

Ha bule hau hadi mbua, ne bena muhongo, ne bena masandi, ne bashihianganyi, ne batendeledi ba mpingu, ne muntu yonso udi musue ne udi ushima mashimi.

Didimanyisha 22:11

Udi kai ne buakane ikale kabidi ne malu adi kâi makane; udi mubiha avuishibue biandi kabidi mubiha; udi muakane ikale biandi kabidi ne malu makane; udi wa tshijila avuishibue biandi kabidi wa tshijila.

Didimanyisha 21:8

Kadi bua badi ne buowa, ne badi kabai ne ditabusha, ne bena tshikama, ne bashihianganyi, ne bena masandi, ne bena muhongo, ne batendeledi ba mpingu, ne bena mashimi bonso, luseke luabo neluikale mu dishiba didi ditema ne kahia ne soufre; didi lufu luibidi.

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Yowanane 8:24

Ebu mbualu bunakunuambila ne, Nenufue mu mibi yenu; binuikala kanui nungitabusha, nenufue mu mibi yenu.

Nsumuinu 14:32

Muntu mubi udi wedibua hanshi bua malu mabi andi, kadi muntu muakane udi ne tshinyemenu mu lufu luandi.

Dibadika 19:20

Kadi mundi udi kayi muakane ne kena udilengesha, nebamumushe munkatshi mua tshisumbu, bualu bua yeye wakuona nsubu wa tshitendelelu, kabakamumiamina mai a kumulengesha nʼau, yeye kena muakane.

Dibadika 19:18

mundi utshidi muakane neangate mabeshi a hysope, neâtue mu mai, neamiamine ha ntenta, ne ha malonga onso, ne ha bantu bonso bakadimu, ne mundi wakalenga mifuba tshianza, anyi mundi wakafua ku muele wa nvita, anyi mundi mufue, anyi lukita,

Dibadika 19:9

Muntu udi muakane neasangishe butue buonso bua muana wa ngombe, neabuteke ku butshika bua tshitudilu ha muaba mutoke, nebabulamine tshisumbu tshia Bena Isalele bu mai a kulengesha hau bubi eu udi bu mulambu wa kubuikila nʼau bubi.

Dibadika 15:30

Kadi muntu udi wenza bualu bubi ne mutshima mukole nansha muntu mulela munkatshi muenu nansha muenyi, muntu au udi uhenda Yehowa, nebamumushe munkatshi muabo.

Dibadika 8:7

Wewe newenze nunku bua kubalengesha ubamiamine mai a kubalengesha nʼau ku bubi, babeye mubidi wabo wonso ne dihaya, buvuwe bilulu biabo ne badilengeshe.

Lewitiki 20:3

Meme kabidi nengumushe mesu anyi kudi muntu au, nemmumushe munkatshi mua bana babo, bualu bua yeye wakafua muana wandi kudi Moleke bua kuona nsubu wanyi ne kunyangisha dina dianyi dia tshijila.

Lewitiki 5:17

Bienza muntu bualu bubi budi Yehowa uhidia, kayi mumanye bualu, yeye neahile, neadituadile dihila dia bubi buandi.

Lewitiki 5:6

yeye neafile mulambu kudi Yehowa wa disambuka dia mikenji, nansha muana mukashi wa mukoko nansha muana mukashi wa mbushi, bu mulambu wa disambuka dia mikenji, ne muakuidi neafile mulambu bua kumubuikidila nʼau bubi buandi.

Lewitiki 5:3

Anyi bialengeye tshianza ha manyanu a muntu ne bikala bualu ebu busokoka ku mesu kuandi, hamanyeye bualu ebu, yeye neahile.

Ebrewu 9:10

bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.

Lewitiki 7:21

Bialenga mundi tshianza tshiandi ha tshintu tshidi ne bukoya, nansha bukoya bua mundi nansha bukoya bua nyama nansha tshintu tshikuabo tshidi ne bukoya, ne biadieye munyinyi wa mulambu wa kuvuisha nʼau ditalala udibo bafila kudi Yehowa, nebamumushe munkatshi mua bana babo.

Dibadika 19:14

Eu udi mukenji wa hafuila mundi mu ntenta mundi yonso udi ubuela mu ntenta au, ne mundi yonso wakadi mu ntenta au neikale bu mundi udi kayi muakane tô matuku muanda mutekete.

Dibadika 19:19

mundi utshidi muakane neamiamine mai ha mundi udi kayi muakane dî diku disatu ne dituku dia muanda mutekete, ne halua dituku dia muanda mutekete neamulengeshe, yeye neuvuwe bilulu biandi ne mubidi wandi ne mai, neikale muakane ku dilolo.

Yezekiyele 44:26

Hamulengeshabo ku nyima, bamubadile matuku muanda mutekete.

Ekesode 30:33

Muntu yonso udi usangisha manyi bu au, anyi udi waela muenyi, nebamumushe munkatshi mua bana babo.

Lewitiki 22:4

Muntu yonso wa munkatshi mua bana ba Alona udi muena nsudi anyi udi tufina tuhatuka mu mubidi wandi kena mua kudia bintu bia tshijila tô ne hashika disama diandi Muntu yonso udi ulenga mukuabo udi munyanguke bualu bua wakadi mulenge tshitalu anyi wakadi muele bilunu,

Dibadika 9:13

Kadi mundi udi kayi munyanguke, ne udi kayi muye ku luendu, udi uhidia kuvuluka kuhita kua Yehowa, nebumushe muntu au munkatshi muabo; bualu bua yeye kakafila mulambu wa Yehowa mu tshikondo tshiau, muntu au neadituadile bubi buandi.