Danyele 9:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

MUKANDA WA MYIDI MUKULU

⁶ Katuvua bateleje bivua bambi bena mudimu bebe, bambile bakalenga betu, bamfumu betu, batatuetu, ne bantu bakuabu bonsu, pavuabu babamanyishe malu mu dina diebe.

Danyele 9:6 Referans Kwoze

Danyele 9:10

Katuakutumikila dî dia Yehowa Nzambi wetu, bua kulonda mikenji yandi yakatekeye ku mpala kuetu mu mei akamba bantu bandi baprofete.

Nehemya 9:34

bualu hua bakelenge betu ne bantu betu banene ne bakuidi betu ne batatu betu kabakatumikila mikenji yebe, kabakunvua mei ebe ne himanyishilu biebe biwakabadimusha nʼabi.

Ezela 9:7

Ku matuku a bankambua betu tô ne ku lelu tuakutamba kuhila; bua malu mabi etu, tuetu ne bakelenge betu ne bakuidi betu tuakafidibua mu bianza bia bakelenge ba maloba makuabo ku muele wa nvita, ku buhika ne ku kuhaula kua bintu bietu ne ku kufuishibua kua bundu ku mesu, bu mudibiku lelu eu,

Bienzedi 13:27

Badi mu Yelushalema ne bakelenge habo, bualu bua bobo kabakamumanya, ne kabakamanya mei a baprofete adibo babala Mbingu yonso, bakashikisha mei â hakamuhishabo.

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Yirmeya 44:16

Tudi tuamba bua dî diebe diwakutuambila mu dina dia Yehowa ne, Katuena tukunvuila.

Yirmeya 29:19

Bualu bua Yehowa udi wamba ne, Kabakutumikila mei anyi anakabatumina kudi bantu banyi baprofete, njuka bianyi ne lunkelu bua kubatuma; kadi kabakasua kunvua.

Yirmeya 26:5

ne bua kunvua bienu mei a bantu banyi baprofete bandi nnutumina, njuka hanyi dinda dinda bua kubatuma kunudi, kadi kanuakubunvuila;

Yirmeya 7:13

Yehowa udi wamba kabidi ne, Katataka, bualu bua nuenu nuakuenza bienzedi ebi bionso, ne meme nakakula nʼenu, mbika lunkelu bua kuakula nʼenu, kadi nuenu kanuakunvua; nakanubikila kabidi, kadi kanuakuitaba kundi;

Nehemya 9:32

Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

2 Kulondolola 33:10

Yehowa wakambila Manashe ne bantu bandi dî diandi; kadi bobo bakamuhetula.

2 Bakalenga 18:12

bualu bua kabakatumikila dî dia Yehowa, Nzambi wabo, kadi bakashiha tshihungidi tshiandi; bakabenga mikenji yonso yakabambila Mose, muntu wa Yehowa, kabakayunvua, kabakayenza.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Yirmeya 7:24

Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.