Danyele 7:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Wakamba ne, Nyama ei minene mai idi banfumu banai, badi bahatuka mu buloba.

MUKANDA WA MYIDI MUKULU

¹⁷ ‘Nyama minene inayi eyi idi makalenga anayi a pa buloba.

Danyele 7:17 Referans Kwoze

Didimanyisha 13:11

Nakatangila nyama wa luonji mukuabo uhatuka mu buloba, wakadi ne nsengu ibidi mifuane ya muana wa mukoko, ne wakakula bu dragon.

Didimanyisha 13:1

Ne wakimana ha lusenga lua ku mai manene. Nakatangila nyama wa luonji uhatuka mu mai manene, wakadi ne nsengu dikumi ne mitu muanda mutekete, ne wakadi ne bifulu bia butumbi dikumi ha nsengu yandi, ne ha mitu handi mena a kuhenda nʼau Nzambi.

Yowanane 18:36

Yesu wakamukudimuna ne, Bukelenge buanyi kabuena bua ha buloba ebu; bu bukelenge buanyi buikale bua ha buloba ebu, bantu banyi bakadi kuluangana, tshifidibu mu bianza bia Bena Yuda; kadi katataka bukelenge buanyi kabuena bua kunoko.

Misambu 17:14

Yehowa, unsungile kudi bantu ne tshianza tshiebe, kudi bantu badi ne luseke luabo lua muoyo anu ha buloba ebu, ne bena mafu awakûsha tente ne bintu bia mu tshibutshilu tshiebe. Bana hadibo balela badi bûkuta, badi bashila bana babo bakese bintu bidi bishala ha mutu.

Danyele 7:16

Nakasemena ha buihi ne mukuabo wa bakadi bimane, nakamulomba ne, Unjinguluile malu au onso hatoke. Nunku yeye wakangambila, wakammanyisha dijingulula dia malu au.

Danyele 7:18

Kadi bansanto ba Nzambi Mutambe Bunene wa mu diulu nebangate bukelenge, bukelenge nebuikale kudibo tshiendelele, lahalaha.