Danyele 4:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe, Beleteshasâ, kahita ka batempi ba mbuku, bualu bua ndi mumanye ne nyuma wa nzambi ya tshijila udi munda muebe, ne kakuena bualu busokoka budi bukukolela, ungambile bikena kumona binakumona mu tshilota tshianyi ne dijingulula diabi.

MUKANDA WA MYIDI MUKULU

⁹ Uvua ne mabeji mimpe matambe, ukuama bimuma bipite bungi, bua bonsu bamone mua kubidia, kuukuta. Nyama ya mu mpata ivua ikisha mu dileji dia mutshi awu. Nyunyi ivua ibaka masua ayi mu matamba awu. Tshifukibua tshionsu tshidi ne muoyi tshiwa tshipetelaku tshiakudia tshiatshi.

Danyele 4:9 Referans Kwoze

Danyele 5:11

Muntu mukuabo udiku mu bukelenge buebe udi ne nyuma wa nzambi ya tshijila munda muandi. Mu matuku a tatuʼebe bakamusangana muikale ne munya, dijingulula dia malu, ne meji, bu meji a nzambi yetu mene. Mukelenge Nebukadenesâ, tatuʼebe mene, wakamuteka kahita ka batempi ba mbuku, bamanyi ba malu a mitoto, Bena Kasada ne bena meji bakuabo.

Danyele 2:48

Hashishe mukelenge wakavuisha Danyele muntu munene, wakamuha bintu bia bungi, wakamuvuisha mukokeshi wa ha mutu ha province mujima wa Babulona, wakamuteka mukokeshi munene ku mutu kua bena meji bonso ba mu Babulona.

Danyele 4:8

Kadi ku nyima Danyele, udibo babikila ne Beleteshasâ, bu mudi dina diandi dia nzambi wanyi, ne udi ne nyuma wa nzambi ya tshijila munda muandi, wakalua ku mpala kuanyi. Nakamuawila tshilota tshianyi ne,

Danyele 4:5

Nakalota tshilota tshiakankuatshisha buowa; meji anakadi ngela munda ha bulalu buanyi ne bikena kumona binakamona ku mutu wanyi biakantatshisha.

Danyele 1:20

Mu malu onso a meji ne lungenyi lule biakabebesha mukelenge, wakabasangana bahite bena mbuku ne bena buloshi bonso ba mu bukelenge buandi misangu dikumi.

Yezekiyele 28:3

Tangila, wewe udi uhita Danyele lungenyi! Kakuena bualu busokome kûdi!

Genese 41:38

Palô wakambila bantu bandi ne, Tudi mua kumona muntu mukuabo udi ne mutshima wa Nzambi nunku kudi kunyi?

Danyele 4:18

Tshilota etshi ntshiotshi tshinakulota, meme, Mukelenge Nebukadenesâ; ne wewe, Beleteshasâ, ungambile dijingulula diatshi, bualu bua bena meji bonso ba mu bukelenge buanyi kabena bamanye mua kundesha dijingulula diatshi. Kadi wewe udi mumanye mua kuenza nunku, bualu bua nyuma wa nzambi ya tshijila udi munda muebe.

Yeshaya 54:14

Nebakushimike mu buakane; wewe newikale mu muaba ûdi ushiya makenga kule, bualu bua kuena wikala ne bualu bua kutshina; ne buowa nebushale kule nʼebe, bualu bua kabuena bulua ha buihi nʼebe.

Yeshaya 33:18

Mutshima webe newelangane meji a buowa buakumana kushika ne, Muntu wakadi ubala ne wakadi widikisha bujitu bua mulambu udi kudi kunyi! Wakadi ubala bungi bua bibumba bietu udi kudi kunyi?

1 Samuele 4:8

Mulau wakutukuata! Nganyi watusungila mu bianza bia nzambi ei ya bakole? Ei nnzambi yakashiha Bena Ejipitu ne makenga makole mu tshihela.

Danyele 2:47

Mukelenge wakambila Danyele ne, Bulelela, Nzambi webe udi Nzambi wa nzambi yonso, Mukelenge wa bakelenge, musokolodi wa malu masokoka, bualu bua wewe wakumanya mua kusokolola bualu ebu busokoka.

Yezekiyele 17:23

Nendikune ha mutu ha mukuna mule wa Isalele; nediase matamba, nedikuame mamuma, nedilue mutshi wa cêdre muakane; muinshi muau nemuikale nyunyu ya mishindu yonso, mu dileshi dia matamba au neyase masua ai.