Danyele 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Umue wabo wakakanka muntu wakadi muluate bilulu bia lin, wakadi umueneka ku mutu kua mai a musulu, ne, Malu â a kukema neashike tshikondo kai?

MUKANDA WA MYIDI MUKULU

⁶ Umue wabu kukonka muntu uvua muvuale bilamba bia buanda bua ndanda, muimane pa mutu pa mayi a musulu ne: ‘Malu aa a kukema neajike diba kaayi?’

Danyele 12:6 Referans Kwoze

Danyele 8:13

Hashishe, nakunvua mukuabo wa tshijila wakula; muibidi wa tshijila wakakonka wakadi wakula diambedi ne, Kumusha kua mulambu wa kuosha wa buatshia-buatshia, bualu bubi budi buvuisha kabutu, ne kufila kua tshitendelelu ne musumba wa mu diulu bua kudiatshibuabi muinshi mua makasa, malu â akamueneka mu tshikena kumona neikaleku musangu bule munyi?

Yezekiyele 9:2

Monai kabidi! Bantu basambombo bakafuma ku luseke lua ku tshibi tshia ku mutu tshiakadi tshitangile ku luseke lua node. Muntu yonso wa munkatshi muabo wakadi ne tshilonda tshiandi mu tshianza tshiandi. Munkatshi muabo muakadi muntu mukuabo muluate bivualu bia lin, muikale ne kalondo ka mai a mukanda ka mufundi kasuika mu tshifuka tshiandi. Bakabuela mu ntempelo, hakimana hehi ne tshioshelu tshia tshiamu tshia mitaku.

Danyele 8:16

Nakunvua dî dia muntu difuma munkatshi mua musulu wa Ulai diamba ne, Gabaliele, jinguluila muntu eu tshikena kumona.

Didimanyisha 19:14

Bena nvita ba mu diulu bakamulonda ba nyima ha tubalu tutoke, baluatshisha bilulu bia line bitoke ne bilengele.

Didimanyisha 15:6

Ne banjelo muanda mutekete bakadi ne makenga muanda mutekete bakaluhuka mu ntempelo, baluatshishibue mabue a mushinga mukole, matoke ne makenka, banyungulule ne mikaba ya ngolo ha biadi biabo.

Didimanyisha 6:10

ne bakadila ne dî dikole, bamba ne, O Mukelenge wa tshijila ne mulelela, udi windisha musangu bule munyi bua kulumbuluisha ne bua kutusombuela bua mashi etu kudi badi bikala ha buloba?

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

Efeze 3:10

bua ekelesia amanyishe bakelenge ne bakokeshi badi mu miaba ya mu diulu meshi mavula a Nzambi;

Misambu 74:9

Katuena tumona bimanyinu bietu; kakuenaku muprofete kabidi, ne kakuena muntu munkatshi muetu udi mumanye bule bua tshikondo tshia bualu ebu.

Matayi 24:3

Hakadiye ushikama ku mukuna wa Oleve, bayidi bakalua kudiye nkayabo, bakamukonka ne, Utuambile dituku dialua malu â; utuambile tshimanyinu tshia hawalua tshiakabidi; ne tshia kunshikidilu kua tshikondo etshi.

Marke 13:4

Utuambile bualu, malu â nealue dituku kai? Tshimanyinu tshia malu â ne akadi ha kulua ntshinyi?

Danyele 12:5

Hashishe meme, Danyele, nakatangila, ekumona, bantu bakuabo babidi bakadi bimane ku musulu, mukuabo dia munemu, mukuabo dia muamua.

Danyele 12:8

Nakunvua mei â, kadi tshiakâjingulula nansha; nunku nakakonka ne, Mukelenge wanyi, ndekelu wa malu â neikale bishi î