Danyele 12:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi wewe, Danyele, lama mei a, uteke tshimanyishilu ku mukanda eu, bishale nunku tô ne ku tshikondo tshia kunshikidilu. Ba bungi nebatambakane, lungenyi neluvulangane.

MUKANDA WA MYIDI MUKULU

⁴ “ ‘Wewe Daniyele, ulame malu aa munda. Kuambidi muntu malu a mu mukanda ewu padi diba dia ku nshikidilu kadiyi dianji kufika. Pashishe bantu ba bungi nebaubale. Lungenyi luabu ne luvulangane.’

Danyele 12:4 Referans Kwoze

Danyele 12:9

Yeye wakamba ne, Danyele, ya biebe; bualu bua mei â adi masokoka ne adi mateka tshimanyishilu tô ne halua tshikondo tshia kunshikidilu.

Didimanyisha 22:10

Yeye wakangambila ne, Kuteki tshimanyishilu ku mei a buambi bua mu mukanda eu; bualu bua tshikondo tshidi ha buihi.

Danyele 8:26

Tshikena kumona tshiakukuambilabo bua dilolo ne dinda tshidi tshia bushuwa, kadi wewe sokoka tshikena kumona etshi, bualu bua tshidi tshilesha malu a matuku a bungi atshidi ku mpala.

Danyele 8:17

Yeye wakasemena ha buihi ne muaba unakimana. Hakafikeyeku, nakakuatshika buowa bukole, nakatua mpala wanyi hanshi. Kadi yeye wakangambila ne, Teleja, wewe muana wa muntu; tshikena kumona etshi tshidi tshikulesha malu a mu tshikondo tshia kunshikidilu.

Didimanyisha 10:4

Ne hakakula mikungulu muanda mutekete, nakadi ngamba kufunda, ne nakunvua dî difuma mu diulu diamba ne, Teka tshimanyishilu ku malu akamba mikungulu muanda mutekete, kuafundi nasha.

Danyele 12:13

Kadi wewe, ya, windile tô ne hashika malu â; newikishe, hashishe neujalame mu buhianyi buebe kunshikidilu kua matuku â.

Yeshaya 32:3

Mesu a bantu badi bamona kaena abuikidibua kabidi, ne matshu a bantu badi bunvua neateleje.

Yeshaya 8:16

Kuta mukanda wa dî dianyi dia tshimanyishilu mu muvungu, jadika diyisha dianyi mu mitshima ya bayidi banyi.

Matayi 24:14

Nebambile bantu bonso ba ha buloba lumu luimpe elu lua bukelenge buanyi, neluikale tshimanyishilu ku bisamba bionso; hashishe, nshikidilu nealue.

Yeshaya 11:9

Kabiena bienzela bikuabo bintu bibi, kabiena bishiha bikuabo, mu mukuna wanyi wa tshijila wonso; bualu bua buloba nebuikale bûle tente ne kumanya kua Yehowa, bu mudi mai a mu mai manene abuikila miaba yau yonso.

Danyele 11:40

Mu matuku a kunshikidilu mukelenge wa ku Sude neamubunde; mukelenge wa ku nôde nealue kumuluisha bu nvunde, muikale ne makalu a nvita ne badi benda ha nyima ha tubalu tua nvita ne mu matu a bungi; neabuele mu matunga a bungi, uhita bu mudi musulu wa mai uhasalala.

Danyele 11:33

Ba munkatshi mua bantu badi ne meji nebayishe ba bungi lungenyi, kadi hahita matuku a bungi nebashihibue ne muele wa nvita ne kahia, nebaye mu buhika, nebabanyenge bintu.

Rome 10:18

Kadi ndi ngamba ne, Kabakunvua, anyi? E, bulelela, bakunvua, ne, Dî diabo diakamuangalaka ha buloba buonso, Ne mei abo akambibua kunfudilu kua buloba.

Danyele 10:1

Mu tshidimu tshisatu tshia bukokeshi bua Kolesha, mukelenge wa Pelasa, bualu bukuabo buakabulula kudi Danyele, wakabikilabo ne Beleteshasâ. Bualu ebu buakadi bulelela, buakamulesha bua nvita minene. Yeye wakateleja matshu andi ku bualu ebu, wakajingalula tshikena kumona.

Yeshaya 30:26

Bualu bukuabo kabidi, munya udi ufuma ku ngondo newikale bu munya udi ufuma ku diba, ne munya wa ku diba neuvudishibue misangu muanda mutekete, newikale bu munya wa matuku muanda mutekete, mu dituku didi Yehowa ujingila mputa ya bantu bandi, ne udi ukamisha mputa yakatahibuabo.

Didimanyisha 5:1

Mu tshianza tshia balume tshia yeye wakadi ushikama ha nkuasa wa butumbi, nakatangila mukanda mufunda munda ne ha nyima hau, mulamika bikole ne bimanyishilu muanda mutekete.

Yeshaya 29:11

Tshikena kumona tshia bualu ebu buonso tshiakulua kunudi bu mei a mu mukanda muvunga, udi bantu bafila mu bianza bia muntu udi mumanye mua kujingulula maleta, bamba ne, Tudi tukusengelela ne, Utubadile mutanda eu; ne yeye udi ubahingishila dî ne, Tshiena mumanye mua kûbala, bualu bua udi muvunga.

Yirmeya 5:1

Endakanai lubilu mu misesu ya mu Yelushalema, numone, numanye, nukebekebe mu miaba minene yonso, binuamanya mua kuhetaku muntu umue udi wenza malu mimpe, udi ukeba malu malelela, ne nemmubuikidile malu mabi andi.

Danyele 10:14

Mpindiu nakulua bua kukujinguluila malu adi akuata bana benu mu matuku alualua; bualu bua tshikena kumona etshi tshidi tshikulesha malu a mu matuku adi kayi manji kulua.

Danyele 10:21

Kadi nenkuambile mei adi mafunda mu mukanda wa bushuwa; kakuena mukuabo udi unkuatshisha bua kuluangana nʼabo, anu Mikaele, muanjelo-mulami wenu.

Danyele 12:5

Hashishe meme, Danyele, nakatangila, ekumona, bantu bakuabo babidi bakadi bimane ku musulu, mukuabo dia munemu, mukuabo dia muamua.

Danyele 8:19

Wakamba biandi ne, Mona! Nenkumanyishe malu adi alua mu tshikondo tshia ndekelu wa tshiji tshikole tshia Nzambi, bualu bua tshikena kumona etshi tshidi tshilesha malu a mu tshikondo tshisungula tshia kunshikidilu.