Danyele 11:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Ku nyima bana bandi nebabishe nvita, nebasangishe tshisumbu tshia masalayi a bungi; umue wabo neaye ku mpala, neahitshile mu buloba bu musulu mûle ne mai mahasalala mahite mielelu yau; hashishe, nealukile ku nvita, nealuangane tô ne ku musoko wa mukelenge wa ku sude muasa ne ngumbu ya nvita.

MUKANDA WA MYIDI MUKULU

¹⁰ “Bana ba balume ba mukalenga wa mu ditunga dia ku mutu Mbadilongolole ku mvita. Nebasangishe bena mvita bapite bungi. Umue wa kudibu neaye ne bena mvita bende. Neasambuke mikalu ne lubilu bu lua musulu wa mayi udi upasalala. Pashishe papinganaye mu ditunga diende, nealuishe tshimenga tshia baluishi tshivuabu bakoleshe ne bimana.

Danyele 11:10 Referans Kwoze

Danyele 11:7

Mu matuku au muntu neabike mu muaba wa tatuʼandi bu lutonga lua ku miji yandi. Yeye nealue ne masalayi, neabuele mu musoko wa mukelenge wa ku nôde muasa ne ngumbu ya nvita, neamuenzele ne bantu bandi bu mudiye musue, neabahite bukole.

Danyele 9:26

Hashika mbingu ai makumi asambombo ne ibidi, nebashihe muntu muedibue manyi ha mutu; kakuena muntu wahiana mudimu wandi. Bantu be mukokeshi ulualua nebashihe musoko ne tshitendelelu; nshikidilu wandi neikale bu kûla ne kuhasalala kua musulu wa mai. Bakujadika ne, Dibutuka nedikaleku tô ne hashika nvita.

Yirmeya 51:42

Mai manene akabanda ha mutu ha Babulona, wakubuikidibua ne kuelangana kua mambuanka a bungi.

Danyele 11:26

Bushuwa, badi badia bia kudia biandi bishema nebamuhangishishe mu nvita, bena nvita bandi nebatangalake bu mudi mai a mu musulu mabasalale mahite mielelu yau; ba bungi nebahone hanshi bashihibue.

Danyele 11:22

Bena nvita nebanyeme ku mpala kuandi bu mai mahasalale mahite mielelu ya musulu, nebabutudibue; mukelenge wa tshihungidi kabidi neabutudibue.

Yeshaya 25:12

Neashimbule miaba mikole ya bielelu bia nvita idi misasa kulu ha mutu ha ngumbu yebe, neayihuekeshe hanshi, neayitulule tô ne hanshi ha buloba, mu dinfuenkenya mene.

Danyele 11:9

Hashishe, mukelenge eu neabuele mu bukelenge bua mukelenge wa ku sude, kadi neahingane ku buloba buandi.