Danyele 10:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kadi nenkuambile mei adi mafunda mu mukanda wa bushuwa; kakuena mukuabo udi unkuatshisha bua kuluangana nʼabo, anu Mikaele, muanjelo-mulami wenu.

Danyele 10:21 Referans Kwoze

Danyele 10:13

Muanjelo-mulami wa bukelenge bua Pelasa wakantantamena matuku makumi abidi ne dimue; kadi Mikaele umue wa banfumu ba banjelo, wakalua kunkuatshisha; nakamushiya mu, muaba au ne muanjelo-mulami wa banfumu ba Pelasa.

Didimanyisha 12:7

Nvita minene yakadi mu diulu; Mikaele ne banjelo bandi bakaya kuluangana nvita ne dragon; ne dragon ne banjelo bandi bakaluangana nʼabo;

Danyele 12:1

Ku tshikondo atshi Mikaele, mukelenge wa banjelo, mulami wa bana benu, neajuke. Makenga neikaleku, katshia tshisamba tshia bantu tshiabanga tô ne ku tshikondo atshi makenga bu nunku kâkadi manze kumueneka; kadi mu tshikondo atshi bana benu bonso badi ne menʼabo mafunda mu mukanda wa muoyo nebabande.

Yuda 1:9

Kadi Mikaele, muanjelo mutambe bakuabo bunene, hakadiye ufuilakana ne diabolo muelangane nʼandi mpata bua mubidi wa Mose, kakadi ne dikima dia kulua ne bihendu bia kumuhisha nʼabi, kadi wakamba ne, Mukelenge akubele.

Bienzedi 15:15

Mei a baprofete adi makanangane ne bualu ebu, bu muakafundabo ne,

Danyele 12:4

Kadi wewe, Danyele, lama mei a, uteke tshimanyishilu ku mukanda eu, bishale nunku tô ne ku tshikondo tshia kunshikidilu. Ba bungi nebatambakane, lungenyi neluvulangane.

Danyele 9:25

Nunku Umanye, ujingulule ne, Diba diakahatuka mukenji ne, Bahingashe bantu mu Yelushalema ne base musoko tshiakabidi, tô ne ku difika dia muntu muedibue manyi ha mutu, mukokeshi mene, mbingu muanda mutekete neyihite. Hashishe, mu mbingu makumi asambombo ne ibidi nebase musoko tshiakabidi, muikale ne muaba munene bu wa tshisalu ne misesu; tshikondo etshi netshikale tshia ntatu mene.

Danyele 8:26

Tshikena kumona tshiakukuambilabo bua dilolo ne dinda tshidi tshia bushuwa, kadi wewe sokoka tshikena kumona etshi, bualu bua tshidi tshilesha malu a matuku a bungi atshidi ku mpala.

Bienzedi 15:18

Mukelenge udi Wamba nunku udi umanyisha malu â kale.

Amosa 3:7

Bulelela, Yehowa Nzambi kena wenza bualu, bikaleye kayi muanji kubusokoluela bantu bandi baprofete diambedi.

Danyele 9:22

Yeye wakalua kundi, wakangambila ne, Danyele, nakulua mpindiu bua kukuha lungenyi lua kujingulula n alu malu.