Danyele 1:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Mukelenge wakabatekela tshituha tshia bia kudia biandi bishema bia buatshia-buatshia ne tshia nvinyo wakadiye unua, bua bobo bakoleshibue nunku bidimu bisatu; bua ku ndekelu kua bidimu ebi bamanye mua kuimana ku mpala kua mukelenge.

MUKANDA WA MYIDI MUKULU

⁵ Mukalenga kutuma diyi bua babapeshe dituku dionsu, biakudia ne maluvu bia momumue ne biende bivuaye udia, unua, ne bua babalongeshe bidimu bisatu. Pakumbana matuku awu nebatuadije kumuenzela mudimu.

Danyele 1:5 Referans Kwoze

Danyele 1:19

Mukelenge wakayikila nʼabo; munkatshi mua buonso buabo kakasangana bakuabo bu Danyele, Hananiya, Mishaele ne Azaliya. Nunku bakalua bimanyi ba ku mpala kua mukelenge.

Danyele 1:8

Kadi Danyele wakahangidisha bualu mu mutshima wandi bua kadinyangi ne bia kudia bia mukelenge ne nvinyo wakadiye unua. Nunku wakasengelela kahita ka bantu batungula bua yeye kikadi ne bua kudinyanga.

1 Bakalenga 10:8

Bantu aba ne bena mudimu bebe batu bimana ku mpala kuebe bua kunvua lungenyi luebe badi ne disanka.

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Luke 11:3

Utuhe tshituha tshia bidia bietu bia buatshia-buatshia.

Matayi 6:11

Utuhe tshituha tshia bidia bietu bia buatshia-buatshia lelu.

Yirmeya 15:19

Nunku Yehowa udi wamba ne, Biwalukila kundi, nenkuhingashe bua wewe wimane ku mpala kuanyi; biûmusha malu ebe matambe buimpe bua kâbuelakanyi ne malu adi mabi, wewe newikale bu mukana muanyi. Bobo nebahingane kûdi, kadi wewe kuena ne bua kuhingana kudibo.

2 Kulondolola 9:7

Bantu aba ne bena mudimu bebe badi bimana ku mpala kuebe badi bunvua lungenyi luebe badi ne disanka dinene.

2 Bakalenga 25:30

mukelenge wakamuha bintu biandi bia buatshia-buatshia matuku onso a muoyo wandi.

1 Samuele 16:22

Shaula wakatumina Yishai di ne, Witabushe, ndi nkusengelela, bua Davidi ikale nʼanyi, bualu bua yeye udi ne diakalengele ku mesu kuanyi.

Genese 41:46

Yosefe wakadi ne bidimu makumi asatu hakimaneye ku mpala kua Palo, mukelenge wa Ejipitu. Yosefe wakumuka ku mpala kua Palô, wakendakana mu buloba bua Ejipitu buonso.

Luke 1:19

Muanjelo wakamuandamuna ne, Ndi bianyi Gabaliele, ntu ngimana ku mesu kua Nzambi; nakutumibua bua kuakula nʼebe ne bua kukuluila ne lumu luimpe.

Nsumuinu 23:3

Kusaminyi muoyo ku bidia biandi bishemakane, bualu bua bidi bikudinga.