Bienzedi 9:34 - Mukanda wa Nzambi Dihungila Dikulukulu ne Dihungila Dihia-dihia 2003

³⁴ Petelo wakamuambila ne, Ainea, Yesu Kilisto udi ukukolesha; bika, udilongoluele bulalu buebe. Yeye wakabika lubilu.

MUKANDA WA MYIDI MUKULU

³⁴ Petro kumuamba ne: — Eneyase, Yezu udi ujikija disama diebe! Juka, udilongoluele bulalu! Eneyase kujuka diakamue.

Bienzedi 9:34 Referans Kwoze

Bienzedi 3:12

Hakamona Petelo bualu ebu, wakambila bantu ne, Nuenu Bena Isalele, bualu ebu budi bunukemesha munyi? Nudi nututangidila talala tshinyi, bu tuetu mbakuendesha muntu eu ku bukole buetu anyi ku buimpe buetu?

Bienzedi 3:6

Kadi Petelo wakamba ne, Tshiena ne argent ne ngolo, kadi tshindi nʼatshi, nenkuhetshi. Mu dina dia Yesu Kilisto wa ku Nazaleta, enda biebe.

Matayi 9:6

Kadi bua nuenu mimanye ne, Muana wa muntu udi ne bukole, hatshidiye ha buloba bua kujimisheye mibi (yeye wakambila muena kaneke ne), Bika biebe, ambula bulalu buebe, uye ku nsubu kuebe.

Bienzedi 16:18

Wakadi wenza nunku matuku a bungi. Kadi hakatata Paulo bikole, wakatshinguluka, wakambila nyuma mubi ne, Ndi nkuambila mu dina dia Yesu Kilisto, umuke munda muandi. Ha diba adi mene wakaluhuka.

Bienzedi 4:10

buonso buenu ne Bena Isalele bonso numanye ne, Mu dina dia Yesu Kilisto wa ku Nazaleta, unuakashiha ku mutshi mutshiamakane, wakabisha Nzambi ku lufu, mu dina edi mene mudi muntu eu, udi muimane ku mpala kuenu, mukoleshibue.

Bienzedi 3:16

Bualu bua ditabusha dia mu dina diandi, dina diandi diakukolesha muntu eu unudi nutangila ne unudi bamanye; bulelela, ditabusha diakufuma kudiye ndiakumuha bukole ku mesu kua buonso buenu.

Matayi 8:3

Yesu wakolola tshianza tshiandi, wakamulenga ne, Ndi musue, wikale mulengeshibue. Nsudi yandi yakashika lukasa.

Yowanane 2:11

Bualu ebu buakenza Yesu mu Kana wa Galela buakadi bua kumudilu bua bimanyinu biandi, wakalesha bantu butumbi buandi; bayidi bandi bakamuitabusha.

Bienzedi 9:33

Wakasanganaku muntu, dina diandi Ainea, wakadi mulale ha bulalu buandi bidimu muanda mukulu, bua wakadi ne disama dia kaneke.

Bienzedi 9:35

Bonso ba mu Luda ne ba mu Shalona bakamumona, bakakudimuna mitshima yabo kudi Mukelenge.