Bienzedi 9:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bonso bakunvua dî diandi bakadi bakema, bakabanga kukonka ne, Eu kanyeye wakabutula bakadi batendelela dina edi mu Yelushalema, anyi? Yeye wakadi muluile bualu ebu kunoko bua kuyeye nʼabo basuika ku mesu kua bakuidi banene.

MUKANDA WA MYIDI MUKULU

²¹ Bonsu bavua bamuteleja bavua bakema, bamba ne: — Uvua ukengesha bikole bantu bavua bitaba dina dia Yezu mu Yerushalayime, ki mmuntu ewu anyi? Ki mmufike apa bua kukuata bantu, kubafila kudi bamfumu ba batuangaji anyi?

Bienzedi 9:21 Referans Kwoze

Bienzedi 8:3

Kadi Shaula wakabutula bena ekelesia, wakabuela mu nsubu yonso, wakakoka balume ne bakashi, wakababuesha mu nsubu wa lukanu.

2 Tesalonike 1:10

halueye bua kutumbishibua mu basanto bandi, ne bua kukemibua mu dituku diadia kudi bantu bonso bamane kumuitabusha (bualu bua bumanyishi buetu kunudi buakitabushibua).

1 Yone 3:1

Tangilai mushindu wa dinanga diakamba Tatu bua tuetu tubikidibue ne Bana ba Nzambi; ne tud nunku. Bua bualu ebu ba ha buloba kabena batumanye, bualu bua kabakamumanya.

Bienzedi 4:13

Hakamonabo dikima dia Petelo ne Yone, hakamanyabo ne, Kabena bamanye mikanda, badi bantu hatuhu, bakakema; bakabamanya ne, Mbakadi ne Yesu.

Bienzedi 3:10

bakamumanya ne, Nyeye wakadi ushikama ku Tshibi Tshimpe tshia ntempelo ulomba bintu; bakatamba kukema bua bualu buakalua kudiye.

Bienzedi 2:12

Buonso buabo bakadi batamba kukema, mitshima yabo yakalubakana, bakakonkangana ne, Bualu ebu budi munyi?

Bienzedi 2:6

Hakuluabo tshiona etshi, bantu ba bungi bakunguila hamue, bakakema, bualu bua muntu ne muntu wakunvua bakula muaku wandi.

Zekâya 3:8

Nunku, unvuai, wewe Yoshua muakuidi munene, wewe ne balunda bebe badi bashikame ku mpala kuebe; bualu bua badi tshimanyinu tshia malu mimpe alualua ku mpala; bualu bua nendue ne muntu wanyi Lutonga.

Yeshaya 8:18

Monai, meme ne bana bakumpabo kudi Yehowa tudi bu bimanyinu ne bu malu a kukema mu Isalele bidi Yehowa wa misumba, udi mushikame mu mukuna wa Siona, mutumine bantu.

Misambu 71:7

Ndi bu muntu udi ukemesha ba bungi; kadi wewe udi tshinyemenu tshianyi tshikole.

Dibadika 23:23

Bulelela, kakuena muena muhongo munkatshi mua bana ba Yakoba, kakuena batempi ba mbuku munkatshi mua Bena Isalele, katataka nebambile bana ba Yakoba ne Bena Isalele ne, Yehowa wakuenza tshinyi?

Misambu 51:13

Hashishe, nenyishe badi bahambuke nshila yebe, ne bantu babi nebahingane kûdi.

Bienzedi 7:59

Bakadi bakuma Stefano mabue ulomba Mukelenge wamba ne, Mukelenge Yesu, angata muoyo wanyi,

Bienzedi 9:22

Shaula wakadiundadiunda mu bukole, wakadi utshiudisha Bena Yuda bakadi mu Damaseke, wakabaluisha ne, Eu udi Kilisto.