Bienzedi 7:59 - Mukanda wa Nzambi Dihungila Dikulukulu ne Dihungila Dihia-dihia 2003

⁵⁹ Bakadi bakuma Stefano mabue ulomba Mukelenge wamba ne, Mukelenge Yesu, angata muoyo wanyi,

MUKANDA WA MYIDI MUKULU

⁵⁹ Pavuabu bamuasa mabue apu, Stefane uvua utendelela Mvidi Mukulu, wamba ne: — Mfumu Yezu, angata muoyi wanyi!

Bienzedi 7:59 Referans Kwoze

Luke 23:46

Yesu wakela dî dikole ne, Tatu, ndi nteka muoyo wanyi mu bianza biebe; hakambeye nunku, wakahuola muoyo.

Misambu 31:5

Ndi nteka muoyo wanyi mu bianza biebe; wewe wakumpikula, Yehowa, wewe Nzambi udi ulamata ku bushuwa.

Bienzedi 22:16

Udi ushangulukila katataka tshinyi? Bika ubatijibua, uvuibue ku mibi yebe, Ubikila dina diandi.

1 Korente 1:2

tudi tufunda mei kudi bena ekelesia ba Nzambi badi mu Kolinto, bajidibue mu Kilisto Yesu, babikidibue bua kuikalabo basanto, ne kudi bonso badi babikila dina dia Mukelenge Yesu Kilisto mu muaba wonso, Mukelenge wabo ne wetu kabidi.

Bienzedi 9:14

kunu kabidi, udi ne bukole buakuangateye kudi bakuidi banene bua kusuikeye bonso badi batendelela dina diebe.

Bienzedi 2:21

Halua bualu ebu, watela dina dia Mukelenge neasungidibue.

Yowele 2:32

Halua bualu ebu, muntu yonso watela dina dia Yehowa neasungidibue; bualu bua mu mukuna wa Siona ne mu Yelushalema nemuikale bakuabo bahanduke bu muakamba Yehowa; ne munkatshi mua bantu aba badi bashala nemuikale bakuabo badi Yehowa Ubikila.

Bienzedi 9:21

Bonso bakunvua dî diandi bakadi bakema, bakabanga kukonka ne, Eu kanyeye wakabutula bakadi batendelela dina edi mu Yelushalema, anyi? Yeye wakadi muluile bualu ebu kunoko bua kuyeye nʼabo basuika ku mesu kua bakuidi banene.

1 Bakalenga 21:13

Bantu aba babidi, bena lukinu, bakabuela, bakashikama ku mpala kuandi; bena lukinu aba bakamudingila, Nabota mene, ku mesu kua bantu bonso, bamba ne, Nabota wakahenda Nzambi ne mukelenge kabidi. Hashishe bakumuka nʼandi mu musoko, bakamushiha ne mabue.

Muambi 12:7

nunku mubidi newandamuke dinfuenkenya dia buloba kabidi ne muhuya wa muoyo neuhingane kudi Nzambi wakaufila.

2 Timote 2:22

Kadi unyeme nkuka ya bansongalume; londa ku nyima kua buakane, ditabusha, dinanga, ditalala, hohamue ne badi babikila dinu dia Mukelenge ne mitshima mitoke.