Bienzedi 5:42 - Mukanda wa Nzambi Dihungila Dikulukulu ne Dihungila Dihia-dihia 2003

⁴² Ku dituku ku dituku, mu ntempelo ne mu nsubu yabo, kabakalekela kuyisha bantu ne kubambila lumu luimpe ne, Yesu udi Kilisto.

MUKANDA WA MYIDI MUKULU

⁴² Ku dituku ku dituku, bavua amu balongesha, bamanyisha bantu Lumu lua Disanka lua Yezu Kristu, mu nzubu wa Mvidi Mukulu ne ku nzubu ya bantu.

Bienzedi 5:42 Referans Kwoze

Bienzedi 2:46

Ku dituku ku dituku bakadi bananukila kudisangisha mu ntempelo, ne mutshima umue, ku nsubu yabo bakadi batshibula bidia, bakadi badia bidia biabo ne disanka ne mitshima ya kanemu,

Bienzedi 20:20

Nudi bamanye ne, Tshiakatshina bua kunuambila malu onso akamanya mua kunukuatshisha ne bua kunuyisha hadi bantu bunguile, ne ku nsubu ne ku nsubu,

2 Timote 4:2

Ambila bantu dî dia Nzambi mene; nanukila kubambila misangu miakane ne misangu idi kayi miakane; ubakande ku malu abo, ubabele, ubasengelele ne lutulu luonso ne diyisha.

Bienzedi 8:35

Filipo wakabulula mukana muandi, wakabanga ku dî edi mu Mukanda wa Nzambi, wakamuambila lumu luimpe lua Yesu.

Luke 21:37

Yeye wakadi uyisha bantu mu ntempelo ku dituku ku dituku; butuku wakalubuka, wakalala mu mukuna udibo babikila ne, Oleve.

Bienzedi 17:3

wakabajinguluilau, wakabambila ne, Buakadi Kilisto nʼabu mbua kukengeye ne kubikeye ku bafue; Yesu eu undi nuambila nKilisto mene.

Bienzedi 9:20

Ha diba adi mene wakabanga kuambila bantu bualu bua Yesu mu nsunagoga ne, Yeye udi Muana wa Nzambi.

Bienzedi 4:29

Mukelenge, bua malu a mpindiu, utangile dikanyina diabo; uhe bantu bebe mitshima ya kuamba dî diebe ne dikima dikole,

Ngalate 6:14

Kadi meme tshitumbidi ku muanda mukuabo; ntumbile bianyi anu bualu bua mutshi mutshiamakane wa Mukelenge Yesu Kilisto, kuakanshihelabo malu a ha buloba, ne kunakashihibua ku malu a ha buloba kabidi.

1 Korente 2:2

Bualu bua nakadisungula munda bua meme tshimunyi bunga bualu munkatshi muenu, anu Yesu Kilisto, ne yeye mushihibue ku mutshi mutshiamakane.

Bienzedi 17:18

Bakuabo ba munkatshi mua bena meshi ba Epikuleo ne ba Stoiko ba alua kuelangana nʼandi mpata. Bakuabo bakakonka ne, Muena tshiakulakula au neambe tshinyi? Bakuabo kabidi bakamba ne, Yeye udi bu muambi wa malu a nzambi ya bende, bualu bua yeye wakadi wamba bua Yesu ne bua dibika dia ku lufu.

Bienzedi 11:20

Kadi bakuabo bakadi Bena Kupulio ne Bena Kulene, hakafikabo ku Antiokia, bakabanga kuambila Bena Gelika kabidi lumu luimpe lua Mukelenge Yesu.

Bienzedi 8:5

Filipo wakahueka ku musoko wa Samalea, wakabanga kubambila bua Kilisto.

Bienzedi 4:20

bualu bua katuena bamanye mua kuenza bualu bukuabo, anu kuambila bantu malu atuakumona ne atuakunvua.

Luke 22:53

Hanakadi nʼenu mu ntempelo ku dituku ku dituku, kanuakandenga bianza; kadi edi diba ndienu, ne bukokeshi bua mîdima.

2 Samuele 6:22

Nengenze bualu budi butamba ebu bubi, nendifuishe bundu; kadi bakashi aba bawakuamba, bobo nebannemeke.

Bienzedi 13:32

Tudi tunumanyisha lumu luimpe lua mulayi wakalayabo bankambua betu,

Ngalate 1:16

kubulula Muana wandi munda muanyi bua meme kuambila ba mu bisamba bia bende lumu luimpe luandi; tshikondo atshi tshiakahunga dî ne bantu.