Bienzedi 5:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Kadi Petelo wakamba ne, Anania, bualu kai Satana wakûsha mutshima webe tente bua wewe kudinga Nyuma Muimpe ne bua kusokoka tshituha tshia mushinga wa budimi?

MUKANDA WA MYIDI MUKULU

³ Ke Petro kumuebeja ne: — Ananiyase, mudi diabolu mubuele mu muoyi webe mmunyi? Udi mushime Mueyelu wa Tshijila, mudilamine tshitupa tshia mushinga wa budimi bua tshinyi?

Bienzedi 5:3 Referans Kwoze

Yirmeya 23:24

Yehowa udi ukonka ne, Muntu udi mua kusokoma miaba ya mu busokoko indi tshiyi mumanye mua kumutangila, anyi? Yehowa udi ukonka ne, Tshiena ngûsha diulu ne buloba tente, anyi?

Yeshaya 29:15

Mulau wikale kudi bantu badi bafundika bifufu biabo muinshi mule bua kubisokoka ku mesu kua Yehowa, ne badi ne midimu yabo mu midima, badi bamba ne, Muntu kai udi mutumone? Muntu kai udi mummanye?

1 Petro 5:8

Nuikale bahote, nutabale; umena lukuna wenu, diabolo mene, udi wendakana bu nyama wa ntambue udi ukungula, ukeba bantu ba kudieye;

Bienzedi 5:9

Kadi Petelo wakamukonka ne, Nuakusangishila mei enu bua kuteta Nyuma wa Mukelenge munda tshinyi? Tangila, makasa a bakujika bayebe adi ku mbelu, nebaluhuke nʼebe.

Yowanane 13:27

Hakangateye tshihesa, Satana wakabuela munda muandi. Yesu wakamuambila ne, Enza bûdi wenza lukasa.

Yowanane 13:2

Hakadibo badia, diabolo mumane kubuesha munda mua Yudasa Isakaliote, muana wa Simona bualu bua kutungila Yesu tshitungu;

Yakobe 4:7

Nunku nudikokeshe kudi Nzambi; kadi nukandamene diabolo ne yeye neanunyeme.

Muambi 5:4

Hawaditshiha kudi Nzambi, kujanguluki bua kumana mulayi; bualu bua yeye kena ne bahote disanka; ufute tshiwakalaya.

Yobe 22:13

Kadi wewe udi wamba ne, Nzambi udi mumanye tshinyi? Hadiye utangila mu midima mikole, yeye udi mua kulumbulula bilumbu, anyi?

Bienzedi 5:4

Hakadi budimi mu tshianza tshiebe, kabuakadi buebe, anyi? Hawakubuhana mushinga wabu kawakadi webe, anyi? Wakuelelangana meshi a bualu ebu mu mutshima webe munyi? Kuakudinga bantu, wakudinga Nzambi.

Bienzedi 5:2

wakasokoka tshituha tshia mushinga, mukashi wandi wakadi mumanye bualu ebu; Anania wakalua ne tshinga tshituha, wakatshiteka ku makasa a bapostolo.

Luke 22:3

Satana wakahuela munda mua Yudasa, wakadibo babikila ne Isakaliote, yeye wakadi wabo wa ba dikumi ne babidi.

Dielulula 23:21

Hanuaditshiha ku mesu kua Yehowa, Nzambi wenu, kanuhangi kushikisha mitshihu yenu; bualu bua Yehowa, Nzambi wenu, nealombe bua nuyishikishe; ne bualu ebu nebuikale bubi kunudi binuahanga kuyisbikisha.

Dibadika 30:2

Haditshiha mulume kudi Yehowa, anyi halayeye mulayi wandi, yeye kena mumanye mua kulekela dî diandi, yeye nênze mei onso akaluhuka mukana muandi.

Matayi 13:19

Hunvua muntu dî dia bukelenge bua mu diulu kai mudijingile, hashishe, mubi udi ulua, udi unyenga bualu buakumiaminabo mu mutshima wandi. Kayeyʼeu wakumiaminabo kukala kua nshila.

Osheya 11:12

Bena Efelayima badi bannyunguluka ne mashimi, Bena Isalele badi bannyunguluka ne mei a kundinga nʼau; kadi Bena Yuda batshidi bamanyibue kudi Nzambi, ne batshidi beyemena Wa Tshijila.

Nsumuinu 20:25

Budi buteyi kudi muntu bua kuambeye lukasa ne, Tshidi tshia tshijila, ne bua kuelanganeye meji anu ku nyima bua kuditshiha kuandi.