Bienzedi 23:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Diyoyo dia bungi diakajuka; bafundi bakuabo ba ku luseke lua Bafalese bakadi batayika bikole ne, Katuena bamone muntu eu ne bualu, ne nyuma wakumuambila dî, anyi ne muanjelo?

MUKANDA WA MYIDI MUKULU

⁹ Ke bantu kuela mbila mikole. Bamue balongeshi ba mikenji ba luseke lua Baparushe kujuka, babenga tshilumbu, bamba ne: — Katuena bamona ne: muntu ewu mmupile to! Misangu mikuabu mutumibue wa Mvidi Mukulu, nansha mukishi, mmumuambile malu!

Bienzedi 23:9 Referans Kwoze

Bienzedi 22:7

Nakahona hanshi, nakunvua dî dingambila ne, Shaula, Shaula, udi unkengesha meme tshinyi?

Yowanane 12:29

Bantu bakadi bimane ha buihi bakunvua di edi, bakamba ne, Mukungulu wa nvula; bakuabo bakamba ne, Muanjelo wakuakula nʼandi.

Bienzedi 26:31

Hakumukabo, bakambilangana ne, Muntu eu kena wenza bualu bua lufu anyi bua lukanu.

Bienzedi 25:25

Kadi meme nakamusangana kai muenze bualu bua kufueye; bua yeye nkayandi wakalayidila kudi Augusto, nakasungula bua kumutuma.

Bienzedi 23:29

Nakamusangana mubandibue anu bua makonka a mikenshi yabo, kadi dibanda diandi kadiakadi dia mua kumushiha anyi kumuela mu lukanu.

Marke 2:16

Hakamumona bafundi ba Bafalese udia ne bantu babi ne basangishi ba mulambu nunku, bakakonka bayidi bandi ne, Munyi mudiye udia unua ne basangishi ba mulambu ne bantu babi?

Nsumuinu 16:7

Bikala bienzedi bia muntu bisankishe Yehowa, yeye udi umulengeshisha ne bena lukuna bandi.

1 Korente 10:22

Anyi, tudi tufuisha Mukelenge mukau, anyi? Tudi tumutamba bukole, anyi?

Bienzedi 27:23

Bualu bua muanjelo wa Nzambi wanyi, undi nkuatshila mudimu, wakuimana ha buihi nʼanyi butuku ebu;

Bienzedi 23:8

bualu bua Basadoke batu bamba ne, Kakuena dibika dia bafue anyi muanjelo anyi nyuma; kadi Bafalese badi bitabusha ne, Malu â onso adiku.

Bienzedi 11:17

Bikala Nzambi mubahe kuha kuakutuheye hatuakuitabusha Mukelenge Yesu Kilisto, ahu meme nakadi nganyi wa kufuilangana ne Nzambi?

Bienzedi 9:4

wakahona hanshi, wakunvua dî dimuambila ne, Shaula, Shaula, udi unkengeshila meme tshinyi?

Bienzedi 5:39

kadi bikala bualu ebu bua Nzambi, kanuena bamanye mua kubuhumbisha; nunku nebansangane nuluisha Nzambi nvita.

Luke 23:22

Yeye wakabakonka tshiakasatu ne, Bualu kai? Muntu eu wakuenza bualu bubi kai? Tshiena mumusangane ne bualu buafuileye; nenukume, nemulekele.

Luke 23:4

Pilato wakambila bakuidi banene ne bisumbu bia bantu ne, Tshiena musangane muntu eu ne bualu.

Luke 5:30

Bafalese ne bafundi babo bakajiana bayidi ba Yesu, bakabakonka ne, Nudi nudila, nudi nunuina ne basangishi ba mulambu ne bantu babi tshinyi?

1 Samuele 24:17

Yeye wakambila Davidi ne, Wewe udi untambe meme buimpe: wewe wakungenzela anu malu mimpe, kadi meme nakukuenzela wewe malu mabi.

1 Samuele 12:5

Wakabambila ne, Yehowa udi mumanyi wa bualu kunudi, ne wandi wakedibua manyi udi mumanyi wa bualu dituku edi ne kanuakasangana tshintu tshia bende mu tshianza tshianyi. Bakamba ne, Yeye udi mumanyi.

Yirmeya 26:16

Hashishe baminyampala ne bantu bonso bakambila bakuidi ne baprofete ne, Muntu eu kena ne bualu bua kufua, bualu bua yeye wakutuambila dî mu dina dia Yehowa, Nzambi wetu.

Bienzedi 22:6

Hanakadi ngenda nunku, hanakafika ha buihi ne Damaseke, hakadi diba munda munya, munya mukole wa mu diulu wakantemena lukasa.