Bienzedi 22:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bana betu ne batatu, unvuai divila dianyi dindi musue kunuambila katataka.

MUKANDA WA MYIDI MUKULU

¹ — Batatu ne bana betu, ntelejayi. Bualu ndi musue kudilumbuluila mpindiewu kumpala kuenu.

Bienzedi 22:1 Referans Kwoze

Bienzedi 7:2

Stefano wakamba ne, Bana betu ne batatu, unvuai; Nzambi wa butumbi wakamueneka kudi tatu wetu Abalahama, hakadiye mu Mesopotamia, diambedi yeye kai muanze kushikama mu Halana,

2 Timote 4:16

Ku kudividila kuanyi kua kumudilu kakuakadi muntu wakimana nʼanyi hamue, kadi bonso bakandekela; bualu ebu kabubadibu kudibo.

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

Filipe 1:17

kadi bakuabo badi bamba Kilisto bua ditahuluka, kabai ne mitshima mitoke, bela meshi bua kunjudila makenga mu nkanu yanyi.

Filipe 1:7

bu mudibi bimpe bua meme kuikala ne meshi â munda muanyi bua bualu buenu, bualu bua ndi nʼenu mu mutshima wanyi; bualu bua mu nkanu yanyi ne mu kuvidila ne mu kujadika kua lumu luimpe, buonso buenu nudi bangatshi nʼanyi ba ngasa.

2 Korente 12:19

Musangu mule eu nudi nuelangana meshi ne tudi tudibingisha kunudi. Ku mesu kua Nzambi tudi tuamba mu Kilisto. Kadi malu onso, bana betu bananga, adi bua kunudiundisha.

2 Korente 7:11

Monai, bualu ebu mene bua kunyingalashibua kuenu bu mudi Nzambi musue, buakenzesha disuminyina munda muenu, ne didibingisha, ne difika munda, ne ditshina, ne dijinga, ne lukunukunu, ne disombuela. Mu malu onso nuakadimuenesha bu badi ne mitshima mitoke mu bualu ebu.

1 Korente 9:3

Eku nkudividila kuanyi kudi bantu badi bandumbuluisha.

Rome 2:15

Badi balesha mudimu wa mikenshi mufunda mu mitshima yabo, muoyo-mukese wabo udi umanyishangana nʼai ne meshi abo adi abahisha, ababingisha.

Bienzedi 28:17

Hakahita matuku asatu, Paulo wakabikila bakadi ku mutu kua Bena Yuda; hakunguilabo, wakabambila ne, Bana betu, tshiakenza bibi kudi bantu anyi ku bilele bia bankambua betu, kadi mu Yelushalema bakaufila musuika mu bianza bia Bena Lomo.

Bienzedi 26:24

Hakadiye udividila nunku, Festo wakela dî diandi bikole ne, Paulo wewe udi muhale, lungenyi luebe lua bungi ludi lukuhadisha.

Bienzedi 25:16

Nakabakudimuna ne, Bena Lomo kabena ne tshilele tshia kufila muntu tshianana diambedi mubanda kai muanze kuikala ne bamubandi ku mpala kuandi, kai muanze kuikala ne tshikondo tshia kudividila bua bualu buakamubandabo.

Bienzedi 25:8

Kadi Paulo wakadividila ne, Tshiakenza bualu bubi bumue, nasha bua mikenshi ya Bena Yuda, nasha bua ntempelo, nasha bua Kaisa.

Bienzedi 24:10

Hakamana ngovena kumushukuila mutu bua kuakuleye, Paulo wakandamuna ne, Bualu bua ndi mumanye ne, Wewe wakamana kuikala mulumbuludi wa tshisamba etshi bidimu bia bungi, ndi ndividila ne mutshima musanke;

Bienzedi 23:6

Kadi hakamanya Paulo ne, Bakuabo mBasadoke, bakuabo mBafalese, wakela dî dikole ha tshilumbuluidi ne, Bana betu, Edi bianyi Mufalese, udi muana wa Mufalese; badi bandumbuluishila bua ditekemena ne bua dibika dia befue.

Bienzedi 23:1

Paulo wakatangila balumbuludi talala, wakamba ne Bana betu, nakadi muikale ne mutshima muakane ku mesu kua Nzambi tô ne ku dituku edi.

Bienzedi 19:33

Bakasungula Alesandelo mu musumba wabo, Bena Yuda bakamutuma ku mpala. Alesandelo wakabahoha tshianza, wakamba kudividila ku mesu kua bantu.

Bienzedi 13:26

Bana betu, tunkanunuina tua Abalahama, ne ba munkatshi muenu badi batshina Nzambi, bakatutumina tuetu dî dia luhandu elu.

Luke 21:14

Nukoleshe mitshima yenu ne, Katuedianganyi meshi diambedi a dî ditudi basue kubakudimuna;

Luke 12:11

Haluabo nʼenu ku mpala kua badi ku mutu kua nsunagoga, ne kua balumbuludi, ne kua banfumu, kanutambi kuelangana meshi ne, Netubakudimune dî kai? Netuambe tshinyi?