Bienzedi 21:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakadi ne bana bakashi banai bakatshidi tumama, bakadi bamba malu akadi kâi manze kulua.

MUKANDA WA MYIDI MUKULU

⁹ Uvua ne bana bende ba bakaji banayi, kabayi basela. Bavua bambi, bamanyisha bantu bivua Mvidi Mukulu mubambile.

Bienzedi 21:9 Referans Kwoze

Bienzedi 2:17

Nzambi udi wamba ne, Halua matuku a kunshikidilu, Nengitshikishile bantu bonso Nyuma wanyi, Bana benu balume ne bana benu bakashi nebambe malu adi kâi manze kulua, Bansongalume benu nebamone bikena kumona, Bakulumpe benu nebalote bilota,

Didimanyisha 2:20

Kadi ndi nʼebe bualu ebu ne, udi witabusha mukashi au Izebele, udi udibikila muprofete mukashi; ne udi uyisha ne udi uhambuisha bahika banyi bua kuendabo masandi ne bua kudiabo bintu bishihela mpingu.

Luke 2:36

Muprofete mukashi, dina diandi Ana wakadiku, yeye wakadi muana wa Fanuele wa tshisamba tshia Ashê, wakadi mununu be, bayandi wakamubaka hakatshidiye kamama, wakashala nʼandi bidimu muanda mutekete,

Yowele 2:28

Ku nyima kua malu â nengitshikishile bantu bonso Nyuma wanyi; bana benu ba balume ne bana benu ba bakashi nebambe malu adi kâyi manze kulua, bakulumpe benu nebalote bilota, bansongalume benu nebamone bikena kumona.

Ekesode 15:20

Mîyama, muprofete mukashi, muanʼabo mukashi ne Alona, wakangata tshisanji mu tshianza tshiandi, ne bakashi bonso bakamulonda ne bisanji, benda batuhika.

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Nehemya 6:14

Nzambi wanyi, uvuluke Tobiya ne Sanebalata bu mudi bienzedi biabo; uvuluke Noadaya muprofete mukashi ne baprofete bakuabo badi bakeba kuntshinyisha.

2 Bakalenga 22:14

Nunku Hilekiya, muakuidi munene, ne Ahikama ne Akabo ne Shafana ne Asaya bakaya kudi Huleda, muprofete mukashi, wakadi mukashi wa Shaluma, muana wa Tikewa, muana wa Hâhasa, mulami wa bilulu bia mukelenge; (yeye wakadi mushikame mu luseke luibidi lua mu Yelushalema); bakasomba nʼandi.

Balombodi 4:4

Debola, muprofete wa Nzambi mukashi, mukashi wa Lapidota, wakadi ulumbuluila Bena Isalele ku tshikondo atshi.

1 Korente 7:38

Nunku muntu udi ufila muanʼandi mukashi utshidi kamama ku dibaka udi wenza bimpe; ne muntu udi kai umufila ku dibaka udi utamba kuenza bimpe.

Yezekiyele 13:17

Wewe, kabidi, muana wa muntu, kolesha disu kudi bana bakashi ba bana benu, badi bamba mei adi afuma anu mu meji a mu mitshima yabo; ubambile mei a kubahisha nʼau ne,