Bienzedi 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² Tshiona tshiakafuma lubilu mulu bu tshihehele tshikole tshihita, tshiakûsha mu nsubu muonso muakadibo bashikame tente.

MUKANDA WA MYIDI MUKULU

² Bu mpindiewu tshiona tshikole kufuma mu diulu, bu tshipepele tshikole tshituuta. Kumvui-katshi mu nzubu mujima uvuabu basombe.

Bienzedi 2:2 Referans Kwoze

Bienzedi 4:31

Hakatendelelabo Nzambi nunku, muaba wakadibo badisangisha wakakankishibua; buonso buabo bakadi bûle tente ne Nyuma Muimpe, bakamba dî dia Nzambi ne dikima.

1 Bakalenga 19:11

Yeye wakamuambila ne Uluhuke, wimane ku mukuna ku mpala kua Yehowa. Yehowa wakahita ne tshihehele tshinene tshikole tshiakahanda mikuna, tshiakatshibula mabue ku mpala kua Yehowa; kadi Yehowa mene kakadi mu tshihehele. Ku nyima kua tshihehele buloba buakakanka, kadi Yehowa mene kakadi mu kukanka kua buloba.

Misambu 18:10

Wakenda mubande ha nyima ha mukeluba, wakahahala; e, wakaya lubilu ne mahuahua a luhehele.

Yowanane 3:8

Luhehele ludi luheha kudilu lusue, wewe udi unvua tshiona tshialu, kadi kuena mumanye kudilu lufuma ne kudilu luya; muntu yonso udi muledibue kudi Nyuma udi nunku.

Yeshaya 65:24

Diambedi kabayi banze kumbikila, nengitabe kudibo; hatshidibo bakula, nembunvuile.

Malaki 3:1

Yehowa wa misumba udi wamba ne, Monai, ndi ntuma messager wanyi, yeye nealongolole nshila ku mpala kuanyi; Mukelenge unudi nukeba nealue lubilu mu ntempelo wandi, messager wa dihungila, unudi nʼandi disanka, monai mudiye ulua!

Musambu wa Solomo 4:16

Luhehele lua ku nôde, tabala, wewe, luhehele lua ku sude, heha! Nuhehe mu tshibunda tshianyi bua muhuya wa manananshi anyi uhatuke. Wanyi munanga abuele mu tshibunda tshiandi, adie biandi mamuma andi mimpe.

Luke 2:13

Tshisumbu tshia masalayi a mu diulu tshiakadisangisha lukasa ne muanjelo, batumbisha Nzambi, bamba ne,

Bienzedi 2:3

Ndimi mihanduluke yakamueneka kudibo, yakadi bu kahia, kakashikama ha mutu ha muntu ne muntu.

Bienzedi 2:6

Hakuluabo tshiona etshi, bantu ba bungi bakunguila hamue, bakakema, bualu bua muntu ne muntu wakunvua bakula muaku wandi.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.