Bienzedi 2:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne Bena Kulete ne Bena Alaba, tudi tunvua bantu aba bamba mianda minene ya Nzambi mu miaku yetu.

MUKANDA WA MYIDI MUKULU

¹¹ Mudi bena Yuda, ne benyi batshidi bakeba kubuela mu tshisumbu tshia bena Yuda. Mudi bantu ba mu Kreta, kabidi ne Ba Arabe. Kadi bonsu tudi tubumvua balonda mu miakulu yetu mishilangane malu a kukema adi Mvidi Mukulu muenze.

Bienzedi 2:11 Referans Kwoze

1 Korente 12:10

mukuabo udi uhebua mua kuenza malu a kukema; mukuabo udi uhebua mua kuambila bantu bualu bua Nzambi; mukuabo udi uhebua mua kujingulula nyuma; mukuabo udi uhebua mua kuakula miaku ya bungi; ne mukuabo udi uhebua mua kujinguluila bantu miaku;

Ekesode 15:11

Nganyi udi bu wewe Yehowa, munkatshi mua nzambi mikuabo? Nganyi udi bu wewe, udi ne butumbi bua tshijila, udi utshinyisha bantu ne bienzedi bia butumbi, udi wenza malu a kukema?

Ebrewu 2:4

Nzambi kabidi wakamanyishangana nʼabo ne ku bimanyinu ne ku malu a kukema ne ku bienzedi bia bukole bia bungi ne ku bihedi bia Nyuma Muimpe biakababanyinabo, bu mudi disua diandi.

Tite 1:12

Umue wabo, muprofete wabo mene, wakamba ne, Bena Kulete badi bena mashimi misangu yonso, mbu nyama mibi, mbafuba ba lumpukusu.

Yirmeya 25:24

ne bakelenge bonso ba mu Alaba ne bakelenge ba bantu ha bisamba bikuabo badi babuelakana nʼabo ne badi bashikame mu tshihela;

Misambu 26:7

bua meme kunvuisha bantu dî dia kusakidila, ne bua kubambila bienzedi biebe bionso bia kukema.

Yobe 9:10

Udi wenza malu manene ne adi bantu kabayi bamanye mua kujingulula, udi wenza malu a kukema adi kâyi mua kubadibua.

Tite 1:5

Bua bualu ebu nakakushîa mu Kulete, bua wewe kulongolola malu akadi mashale, ne bua wewe kusunguisha bakulu ku musoko ne ku musoko bu munakakuambila;

Bienzedi 27:12

Bualu bua dilobo adi kadiakadi diakane dia kushikishilaku ngondo ya mashika, bakadi batambe bungi bakamba ne, Tumukai kunoko, ne tuamanya mua kufika ku Foinike bua kushikishilaku ngondo ya mashika, aku kudi dilobo dikuabo dia Kulete, didi ditangila ku node-esete ne ku sude-esete.

Bienzedi 27:7

Hatuakadi tuya matuku a bungi bitulu bitulu, tuakafika ha buihi ne Kinido, benda ne ditata dikole; bua luhehele luakadi lutuhumbisha bua kufikaku, tuakayila ku nyima kua Kulete hehi ne Salamone.

Yirmeya 3:2

Banduluka, umone miaba idi ha mutu ha mukuna idi kayiyi ne mitshi. Ha muaba kai hadibo kabayi banze kulala nʼebe? Wewe wakushikama kukala kua nshila ubalamina bu mudi Muena Alaba wenza mu tshihela; wakunyanga buloba ne masandi ebe ne malu mabi ebe.

Yeshaya 28:29

Lungenyi elu kabidi ludi lufuma kudi Yehowa wa misumba, udi ulesha bantu meji adi abakemesha, ne udi ne lungenyi lutambe buimpe.

Yeshaya 25:1

Yehowa, wewe udi Nzambi wanyi; nenkutumbishe, nentumbishe dina diebe; bualu bua wewe wakuenza malu a kukema, malu awakadihangidishila kale kale bua kuenza mu kujalama kuebe tshishiki.

Yeshaya 13:20

Kena wikala ne bantu kashidi, bantu kabena bashikamamu kabidi tô ne tshiendelele. Muena Alaba kena ushimikamu ntenta wandi kabidi, ne balami ba mikoko kabena baladikaku mikoko yabo.

Misambu 136:4

Numusakidile bua yeye nkayandi udi wenza malu a kukema, bua luse luandi ludi lujalame tshiendelele.

Misambu 111:4

Wakayuluisha bantu bua midimu yandi ya kukema. Yehowa udi ne dinanga, udi ufuila bantu luse.

Misambu 107:21

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:15

Basakidile Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 107:8

Basakidile biabo Yehowa bua luse luandi lujalame ne bua bienzedi biandi bia kukema bidiye wenzela bana ba bantu!

Misambu 96:3

Nuambile ba munkatshi mua bantu ba bende butumbi buandi, numanyishe ba munkatshi mua bantu bonso malu a kukemi akenzeye.

Misambu 89:5

Yehowa, bia mu diulu nebitumbishe malu ebe a kukema; nentumbishe lulamatu luebe lua bushuwa mu disangisha dia ba tshijila.

Misambu 78:4

Katuena tusokokela bana babo baledibue malu â; netuambile ba mu tshikondo tshialua malu a butumbi bua Yehowa, netubambile bua bukole buandi ne bua bienzedi biandi bia kukema biakuenzeye.

Misambu 77:11

Nentele bienzedi bia Yehowa, bualu bua nenvuluke malu ebe a kukema awakenza kale.

Misambu 71:17

Nzambi, wewe wakunyisha ku buana buanyi tô ne mpindiu; tô ne mpindiu utshidi ngambila bantu bua bienzedi biebe bia kukema.

Misambu 40:5

Yehowa Nzambi wanyi, wakuvudisha malu a kukema awakuenza ne malu awakuhangidisha bua kutuenzela, kakuena mukuabo utudi bamanye mua kuelekesha nʼebe. Binakeba kualondolola ne bua kuambila bantu malu â, neampite bua kuabala.

2 Kulondolola 26:7

Nzambi wakamukuatshisha bua kuluanganeye ne Bena Peleshete, ne Bena Alabâ bakadi bashikama mu Gû-bâla ne Bena Meunima.

2 Kulondolola 17:11

Bena Peleshete bakuabo bakalua ne bintu kudi Yehoshafata ne argent ya milambu; Bena Alabâ bakalua kudiye ne bimuna biabo, bimpanga binunu muanda mutekete ne nkama muanda mutekete, ne mpumbu ya mbushi binunu muanda mutekete ne nkama muanda mutekete.

1 Bakalenga 10:15

ha mutu ha or ya basombeshanganyi ne bendi ba mushinga ne ya hakelenge ba Alabâ ne ya ba-gouverneur ba buloba.

Ngalate 4:25

Haga eu udi mukuna wa Sinai wa mu Alaba udi mu mulongo umue ne Yelushalema wa katataka; bualu bua yeye udi mu buhika ne bana bandi.

Ngalate 1:17

Tshiakabanda ku Yelushalema kudi bantu bakadianjila kubuela mu bupostolo; kadi nakaya ku Alaba; nakahingana ku Damaseke kabidi.

Yeshaya 21:13

Dî dia tshijila bualu bua Alaba. Bunudi nʼabu mbua kuasa tshitudilu tshienu mu bihuka bia mu Alaba, nuenu batuadi ba bintu ba Bena Dedana.

1 Korente 12:28

Ne Nzambi wakateka bakuabo mu ekelesia: ba kumudilu bapostolo, bibidi baprofete, bisatu bayishi, hashishe, malu a kukema, ne bihedi bia kuondaha, ne bakuatshishi, ne bakokeshi ba bantu bandi, ne lungenyi lua kuakula miaku ya bungi.

Bienzedi 2:10

ne mu Fugia ne mu Pampulia, ne mu Ejipitu ne mu nseke ya Libue ne Kulene, ne ba ku Lomo badi basomba kunoko, ne Bena Yuda ne ba bende bakitabusha bualu bua Bena Yuda,

Bienzedi 2:12

Buonso buabo bakadi batamba kukema, mitshima yabo yakalubakana, bakakonkangana ne, Bualu ebu budi munyi?

Bienzedi 27:13

Hakaheha luhehele lua ku Sude bitulu bitulu, bakelangana meshi ne, Tuakuheta butudi basue, bakabisha luongo, bakadi bayila ku muelelu wa mai wa Kulete.