Bienzedi 12:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hakashikishabo kufila bintu, Bânaba ne Shaula bakahingana, bafume ku Yelushalema; bakalua ne Yone, dinga dina Mâko.

MUKANDA WA MYIDI MUKULU

²⁵ Barnabase ne Shawule bamane kukumbaja mudimu wabu mu Yerushalayime, kupinganabu mu Antiyokiya, pamue ne Yowanane, uvua dina dikuabu ne: Marke.

Bienzedi 12:25 Referans Kwoze

Bienzedi 12:12

Hakadiye welangana meshi a bualu ebu, Wakafika ku nsubu wa Malia, mamu wa Yone, wakadi ne dinga dine Mâko; mu nsubu muakadi ba bungi badisangishe, bakadi batendelela Nzambi.

1 Petro 5:13

Wa mu Babulona, musungula nʼenu, udi unuela muoyo, ne muanʼanyi Mâko udi unuela muoyo kabidi.

Bienzedi 15:37

Bânaba wakasua kuya kabidi ne Yone wakadibo babikila ne, Mâko.

Bienzedi 4:36

Muntu wakadiku, dina diandi Yosefe, bapostolo bakamuidika dinga dina ne, Bânaba (kukudimuna kua muaku ne, Muana wa Busambi), Muena Lewi, mulela ku Kupulio;

Bienzedi 15:35

Kadi Paulo ne Bânaba bakashala mu Antiokia, bayisha ne bambila bantu dî dia Mukelenge; bakuabo ba bungi bakadi nʼabo kabidi.

Kolose 4:10

Alistâko, muena lukanu nʼanyi, udi unuela muoyo, ne Mâko, muanʼabo ne Bânaba (nuakamana kuangata mikenshi ya bualu buandi; bialueye kunudi, numuitabushe)

2 Timote 4:11

Anu Luka nkayandi udi nʼanyi. Wangata Mâko, ulue nʼandi, bua yeye udi mukumbane mua kunkuatshisha mu mudimu wa Nzambi.

Filemone 1:24

ne Mâko ne Alistâko ne Dema ne Luka, benji nʼanyi ba mumudi badi bakutumina muoyo kabidi.