Balombodi 9:2 - Mukanda wa Nzambi Dihungila Dikulukulu ne Dihungila Dihia-dihia 2003

² Ntu nnusengelela ne, Nukonke bena Shekeme bonso mu matshu abo ne, Bualu kai budi butambe buimpe ku mesu kuenu bua bana balume bonso ba Yelubâla badi makumi muanda mutekete banukokeshe, anyi bua muntu umue anukokeshe? Nuvuluke kabidi ne meme ndi bu mufuba wa mifuba yenu ne bu musunyi wa misunyi yenu.

MUKANDA WA MYIDI MUKULU

² — Nuye kukonka balombodi ba mu tshimenga ne: nudi basue kuikala ku bumfumu bua bana ba Yerubaale bonsu makumi muanda mutekete, anyi ku bumfumu bua muana umue? Nuvuluke kabidi ne: meme ndi mulela wenu.

Balombodi 9:2 Referans Kwoze

Balombodi 8:30

Gideona wakadi ne bana balume makumi muanda mutekete bakaleleye, bualu bua yeye wakadi ne bakashi ba bungi.

Genese 29:14

Labana wakamuambila ne Bulelela, wewe udi mufuba wanyi ne musunyi wanyi Yeye wakashala nʼandi to ngondo mujima.

Ebrewu 2:14

Bualu bua bana bakuabanyangana mubidi ne mashi, yeye muine kabidi wakadiangatshila bintu binʼebe muomumue; bua ku lufu luandi yeye amuvuishe tshianana udi ne bukole bua lufu, ndiabolo mene;

1 Kulondolola 11:1

Hashishe Bena Isalele bonso bakadisangisha kudi Davidi mu Hebelone bamba ne, Mona, tudi bu mifuba yebe ne misunyi yebe.

Efeze 5:30

bualu bua tuetu tudi bituha bia mubidi wandi.

2 Samuele 19:13

Nuenu nukonke Amasa kabidi ne, Wewe kuena mufuba wa mu mifuba yanyi ne musunyi wa mu misunyi yanyi, anyi? Nzambi angenzele malu onso adiye musue, binahanga kukuhingishila kapitene ka masalayi mu muaba wa Yoaba.

Balombodi 9:5

Wakaya ku nsubu wa tatu wandi wa ku Ofela, wakashiha bana babo bonso, bana ba Yelubâla, makumi muanda mutekete, ha dibue dimue. Kadi Yotama, muanʼa mukala wa Yelubâla, wakashala, bualu bua yeye wakasokoma.

Balombodi 9:18

ne nuenu nuakabika ku mpala kua nsubu wa tatu wanyi lelu, nuakushiha bana bandi balume makumi muanda mutekete ha dibue dimue, nuakateka Abimeleke, muana wa mukashi, muenji wa mudimu wandi, mu bukelenge ku mutu kua bena Shekeme, bualu bua yeye udi muanʼenu)