Balombodi 7:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yehowa wakambila Gideona kabidi ne, Bantu batshidi batamba bungi; uhueke nʼabo ku mai, nenkutetshileboku; hashishe muntu wakuambila ne, Aye nʼebe, neaye biandi nʼebe; ne muntu wakuambila ne, Kayi nʼebe, kayi nʼebe nansha.

MUKANDA WA MYIDI MUKULU

⁴ Maweja-Nangila kuambila Ngideyone ne: — Bena mvita batshidi anu ba bungi. Pueka nabu ku muelelu wa musulu, bua meme kukusungulujilabu. Nenkuambile bena mvita badi ne bua kuya nebe, ne badi ne bua kushala.

Balombodi 7:4 Referans Kwoze

Misambu 33:16

Mukelenge kena usungidibua ku tshisumbu tshinene tshia masalayi, muena bukitu kena uheta luhandu ku bukole buandi bunene.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.

Yobe 23:10

Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

1 Samuele 14:6

Yonatana wakambila nsongalume, muambudi wa ngabu wandi, ne, Lua, tuye bietu kudi masalayi au adi kâyi matengula, biasua Yehowa kutukuatshisha; bualu bua kakuena mukandu kudi Yehowa bua kusungila bantu kudi ba bungi anyi kudi bakese.

Misambu 66:10

Bualu bua wewe Nzambi wakatuteta; wakatuteta bu mudibo bateta tshiamu tshia argent mu tshikutu tshia kahia.

Misambu 7:9

Bubi bua bantu babi bushike, kadi ujadike bantu bakane; bualu bua Nzambi muakane udi uteta meji abo ne mitshima yabo.

Genese 22:1

Hakahita malu au Nzambi wakateta Abalahama, wakamuambila ne, Abalahama yeye wakitaba ne, Ndiku.

Balombodi 7:5

Nunku yeye wakalua ne bantu bonso ku mai; Yehowa wakambila Gideona ne, Yonso udi ulaka mai ne ludimi luandi bu mudi mbua ulaka, wewe neumuteke ha buandi; ne muinu yonso udi utua binu hanshi bua kunueye mai, umuteke ha buandi kabidi.