Balombodi 4:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Meme nentume Sisela, kapitene ka masalayi a Yabina, kûdi ku musulu wa Kishona, ne makalu andi a nvita ne tshisumbu tshiandi tshinene; nemmufile mu bianza biebe.

MUKANDA WA MYIDI MUKULU

⁷ Nensonsole Sisra, mfumu wa tshiluilu tshia Yabine, bua kuyaye ku musulu wa Kishone. Muaba awu neakuluishe ne matempu a mvita, kabidi ne bena mvita bende mene. Kadi nemmufile mu bianza biebe.”

Balombodi 4:7 Referans Kwoze

1 Bakalenga 18:40

Eliya wakabambila ne, Kuatai baprofete ba Bâla, nansha umue wabo kanyemi. Bakabakuata; Eliya wakaya nʼabo ku kasulu ha Kishona, wakabashihelaku.

Balombodi 5:21

Musulu wa Kishona, musulu au wa kale kale, musulu wa Kishona mene mene wakabahita bukole. Mutshima wanyi, enda ne bukole.

1 Samuele 24:18

Wewe wakungambila bu muwakungenzela bimpe lelu, bualu bua hakuila Yehowa mu tshianza tshiebe, kuakunshiha nansha.

1 Samuele 24:10

Mona, lelu mesu ebe adi amona bu mutu Yehowa mukufile mu tshianza tshianyi mu lubuebue; bakuabo bakungambila ne, Umushihe. Kadi nakamba ne, Tshiena ndenga mukelenge wanyi tshianza, bualu bua yeye udi muedibue manyi kudi Yehowa.

Balombodi 4:14

Debola wakambila Balaka ne, Bika biebe, bualu bua Yehowa wakafila Sisela mu bianza biebe lelu; Yehowa kena mudianjile ku mpala kuebe, anyi? Nunku Balaka wakahueka mufume ku mukuna wa Tabô, ne bantu binunu dikumi bakamulonda ku nyima.

Yoshua 10:8

Yehowa wakambila Yoshua ne, Kubatshinyi nansha, bualu bua nakubafila mu tshianza tshiebe; kakuena muntu wa kudibo udi mua kuimana ku mpala kuebe.

Yoshua 8:7

Hashishe nuenu balaminyi nenubike, nenunyenge musoko; bualu bua Yehowa, Nzambi wenu, neaufile mu bianza bienu.

Ekesode 21:13

Bikala muntu kayi mumualamme mu musokoka, kadi Nzambi wakamuha mu tshianza tshiandi (wakamushiha ku mpukahuka), nunku nenkulongoluele muaba wa yeye kunyemenamu.

Ekesode 14:4

Meme nenkoleshe mutshima wa Palô, yeye neabalonde, nempete butumbi kudi Palô ne kudi bisumbu biandi bionso, Bena Ejipitu nebamanye ne, Meme ndi Yehowa Bakenza nunku.

Yoshua 11:20

Yehowa wakitabusha bua bakoleshe mitshima yabo bua kuluisha Bena Isalele nvita, bua Bena Isalele bababutule bonso, kababafuidi luse, kadi babashihe, bu muakambila Yehowa Mose.

Yoshua 11:6

Yehowa wakambila Yoshua ne. Kanubatshinyi; makelela diba edi nembafile bonso bashihibue ku mpala kua Bena Isalele; nenukose tubalu tuabo tuonso mifungu yatu ya mikono, nenuoshe makalu abo mu kahia.

Balombodi 4:8

Balaka wakamukudimuna dî ne, Biwaya nganyi, nenye; kadi biwikala kuyi uya, tshiena nya.

Ekesode 14:8

Yehowa wakakolesha mutshima wa Palô, mukelenge wa Ejipitu, yeye wakalonda Bena Isalele, bualu bua Bena Isalele bakahatuka ne tshianza tshikole.

Ekesode 14:17

Ne tangila, meme nenkoleshe mitshima ya Bena Ejipitu, nebayemu ku nyima kua Bena Isalele, nengangate butumbi bualu bua Palô ne bisumbu biandi bionso ne makalu andi ne masalayi andi adi enda ha tubalu.