Balombodi 3:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Bena Isalele bakenza malu mabi ku mesu kua Yehowa tshiaku bidi; ne Yehowa wakakolesha Egelona, mukelenge wa Moaba, kudi Bena Isalele, bualu bua bobo bakenza malu mabi ku mesu kua Yehowa.

MUKANDA WA MYIDI MUKULU

¹² Bena Izrayele kuenza kabidi malu mabi avua Maweja-Nangila mubenga. Nanku Maweja-Nangila kubatumina Eglone, mukalenga wa bena Mowabe, bua abaluishe.

Balombodi 3:12 Referans Kwoze

1 Samuele 12:9

Kadi bobo bakahua Yehowa, Nzambi wabo, muoyo ne yeye wakabahana mu bianza bia Sisela, kapitene ka masalayi a Hazô ne mu bianza bia Bena Peleshete ne mu bianza bia mukelenge wa Moaba: bobo bakabaluisha.

Balombodi 2:19

Kadi hakafua mulumbuluishi, hashishe bobo bakalukila ku nyima, bakatamba batatuʼabo kuenza bibi, hakalondabo nzambi mikuabo bua kuyenzela mudimu ne bua kuyinamina; kabakalekela bienzedi biabo bibi anyi tshitshu tshiabo.

Yowanane 19:11

Yesu wakamuandamuna ne, Bu bukokeshi kabui bukuhebue kudi wa mu diulu, wewe kuakadi kuikala nʼabu bua kungenzela bualu; bua bualu ebu nunku wakunfila mu bianza biebe ngudi ne bualu butambe bubi.

Osheya 6:4

Nuenu. Bena Efelayima, nennuenzele tshinyi? Nuenu, Bena Yuda, nennuenzele tshinyi? Bua buimpe buenu budi bu ditutu dia lunkelu, anyi bu mume udi ukama lukasa.

Danyele 5:18

Mukelenge, umanye ne, Nzambi Mutambe Bunene wa mu diulu wakaha Nebukadenesâ tatuʼebe bukelenge, bunene, butumbi ne buneme.

Danyele 4:22

Mutshi eu nguewe muine, mukelenge. Wewe wakudiunda mimene ne mukole; bualu bua bunene buebe buakuhita bunene, budi bufika tô ne mu diulu, bukokeshi buebe budi bufika tô ne kunfudilu kua buloba.

Yezekiyele 38:16

Neulue kuluisha bantu banyi Bena Isalele, bu ditutu didi dibuikila buloba. Mu matuku a kunshikidilu, nenkutume bua kuluangana ne ba mu buloba buanyi, bua ba mu bisamba bia bantu bammanye meme, hanamuenesha tshijila tshianyi ku mesu kuabo ku bienzedi bindi nkuenzela wewe, Gogo.

Yeshaya 37:26

Kuena muanze kunvua bu munakenza bualu ebu kale, ne bu m unaka dia njila kudihangidishilabu mu matuku a kale, anyi? Mpindiu nakuvuisha muanda eu, bua wewe Umanye mua kubutula misoko ya ngumbu bua kuluayi mishiki ya bintu bia tshianana.

Yeshaya 10:15

Tshisui netshimanye mua kufunyina nfumu watshi udi utaha nʼatshi, anyi? Scie neamanye mua kudibandisha kudi udi uhanda nʼandi, anyi? Ebu mbu muakadi mulangala kulembelela bantu badi baubisha, anyi mbu muakadi tshibonge kubisha muntu udi kayi mufukibue mutshi!

2 Bakalenga 5:1

Nâmana, kapitene ka masalayi a mukelenge wa Bena Sulia, wakadi muntu munene wa butumbi ku mesu kua mukelenge wandi, bualu bua Yehowa wakalesha Bena Sulia luhandu ku tshianza tshiandi; yeye kabidi wakadi muena bukitu, kadi wakadi muena nsudi.

Balombodi 2:14

Tshiji tshia Yehowa tshiakadi kudi Bena Isalele, ne yeye wakabafila mu bianza bia bahandi, bakabahaula; yeye wakabahana kudi bena lukuna bakadi ha buihi nʼabo; kabakamanya mua kuimana ku mpala kua bena lukuna babo kabidi.

Balombodi 2:11

Bena Isalele bakenza malu akadi mabi ku mesu kua Yehowa, bakakuatshila Bala mudimu;

Ekesode 9:16

Kadi bulelela, nakukubisha bua kukulesha bukole buanyi ne bua dina dianyi dimanyishibue ha buloba buonso.

Balombodi 3:11

Buloba buakadi talalâ bidimu makumi anai. Oteniele, muana wa Kenaza, wakafua.