Balombodi 21:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bena Isalele bakakudimuna mitshima yabo bualu bua Bena Benyamina, bana babo, bamba ne, Tshisamba tshimue tshidi tshiumushibua munkatshi mua Bena Isalele lelu.

MUKANDA WA MYIDI MUKULU

⁶ Luseke lukuabu bavua bumvue luse bua dikenga dia bana babu bena Binyamine. Kuambabu ne: — Lelu tshisamba tshikuabu tshia bena Izrayele tshidi tshifuana kubutuka.

Balombodi 21:6 Referans Kwoze

Balombodi 21:15

Bantu bakakudimuna mitshima yabo bualu bua Bena Benyamina bualu bua Yehowa wakabayuisha batahuluki kudi bisamba bia Bena Isalele.

Osheya 11:8

Bena Efelayima, ndi mua kunulekela munyi? Bena Isalele, ndi mua kunufila kudi mukuabo munyi? Ndi mua kunuenzela bu munakenzela Adema munyi? Ndi mua kunuvuisha bu Bena Seboima munyi? Mutshima wanyi wakuandamuka munda muanyi, luse luanyi luonso luakutema.

2 Samuele 2:26

Hashishe Abinê wakebesha Yoaba ne, Muele wa nvita neushihe bantu tshiendelele, anyi? Kuena mumanye ne kunfudilu kua bualu ebu nekuikale anu ne kanyinganyinga? Nunku wewe neubidie kukanda bantu bua kulondabo bana babo musangu bule munyi?

Balombodi 20:23

Bena Isalele bakaya, bakadila ku mpala kua Yehowa tô ne dilolo; bakebesha Yehowa ne, Netuhingane bua kuluangana ne bana betu Bena Benyamina kabidi, anyi? Yehowa wakabambila ne, Nubaluishe.

Balombodi 11:35

Hashishe, hakamutangileye, yeye wakadihanda bilulu biandi, wakamba ne, Aka! muanʼanyi, wewe wakatamba kumpuekesha, wewe udi umue wa munkatshi mua banutatshisha; bualu bua meme nakabulula mukana muanyi kudi Yehowa, tshiena mua kualukila ku nyima.

Balombodi 21:5

Bena Isalele bakamba ne, Nganyi wa munkatshi mua bisamba bia Bena Isalele wahidia kulua ku disangisha dia Yehowa? Bualu bua bobo bakadi baditshiha ne kuditshiha kukole ne, Wahidia kulua kudi Yehowa ku Misepa neafue bulelela.

Balombodi 21:7

Munyi mutuangatshila badi bashala bujike bakashi, bualu bua tuetu tuakamana kuditshiha ne, Katuena tuhia bana betu bakashi kudibo bu bakashi babo?