Balombodi 13:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele bakenza malu mabi ku mesu kua Yehowa kabidi, ne Yehowa wakabafila mu bianza bia Bena Peleshete bidimu makumi anai.

MUKANDA WA MYIDI MUKULU

¹ Bena Izrayele kuenza kabidi malu mabi avua Maweja-Nangila ubenga. Nanku Maweja-Nangila kubafila mu bianza bia bena Peleshete bidimu makumi anayi.

Balombodi 13:1 Referans Kwoze

1 Samuele 12:9

Kadi bobo bakahua Yehowa, Nzambi wabo, muoyo ne yeye wakabahana mu bianza bia Sisela, kapitene ka masalayi a Hazô ne mu bianza bia Bena Peleshete ne mu bianza bia mukelenge wa Moaba: bobo bakabaluisha.

Balombodi 6:1

Bena Isalele bakenza malu mabi ku mesu kua Yehowa; ne Yehowa wakabafila mu bianza bia Bena Midiyana bidimu muanda mutekete.

Rome 2:6

Udi uhesha muntu yonso difutu bu mudi midimu yandi.

Balombodi 3:7

Bena Isalele bakenza malu mabi ku mesu kua Yehowa, bakahua Yehowa, Nzambi wabo, muoyo, bakakuatshila Bâla ne Ashelota mudimu.

Balombodi 2:11

Bena Isalele bakenza malu akadi mabi ku mesu kua Yehowa, bakakuatshila Bala mudimu;

Balombodi 10:6

Bena Isalele bakenza malu mabi ku mesu kua Yehowa, bakatendelela Babala ne Bashatelota ne nzambi ya Bena Sulia ne nzambi ya Bena Sidona ne nzambi ya Bena Moaba ne nzambi ya Bena Amona ne nzambi ya Bena Peleshete; bakalekela Yehowa, ka bakamuenzela mudimu.

Balombodi 4:1

Hakafua Ehuda, Bena Isalele bakenza malu mabi ku mesu kua Yehowa kabidi.

Yirmeya 13:23

Muena Atiopa udi mua kuandamuna dikoba diandi, anyi nkashama udi mua kuandamuna matoba andi, anyi? Nunku nuenu batu benza malu mabi nenumanye mua kuenza malu makane.

Ebrewu 11:32

Nengambe tshinyi kabidi? Bua musangu neunkebe ha kulonda bua Gideona, Balaka, Shimishona, Yefeta, Davidi, ne Samuele ne bua baprofete.

Balombodi 12:15

Abidona, muana wa Hilele, Muena Pilatona, wakafua; bakamujika mu Pilatona mu buloba bua Efelayima, ku mikuna ya Bena Amaleka.

Balombodi 15:11

Hashishe Bena Yuda binunu bisatu bakaya ku lubuebue lua mu dibue dia Etama, bakambila Shimishona ne, Kuena mumanye ne, Bena Peleshete badi batukokesha, anyi? Bualu ebu buwakatuenzela budi tshinyi? Yeye wakabambila ne, Nakabenzela bu muakangenzelabo.

Balombodi 15:20

Yeye wakalumbuluila Bena Isalele mu matuku a Bena Peleshete bidimu makumi abidi.

1 Samuele 4:9

Nuenu Bena Peleshete, koleshai mitshima, nutantamane bu balume mene, bua nuenu kanuikadi bahika ba Bena Ebelu bu muakadibo bahika benu; nutantamane bu balume mene, nuluangane bikole.

1 Samuele 7:13

Nunku Bena Peleshete bakadi batambibue bukole, kabakahitshila ku mikalu ya Bena Isalele kabidi; tshianza tshia Yehowa tshiakaluisha Bena Peleshete matuku onso a Samuele.

Balombodi 10:7

Tshiji tshia Yehowa tshiakadi kudi Bena Isalele, yeye wakabahana mu bianza bia Bena Peleshete ne bia Bena Amona.

Balombodi 14:4

Kadi tatu wandi ne mamu wandi kabakamanya ne, Bualu ebu buakafuma kudi Yehowa, bualu bua yeye wakadi ukeba bualu kudi Bena Peleshete. Ku tshikondo atshi Bena Peleshete bakadi bakokesha Bena Isalele.