Amosa 9:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Nakatangila Yehowa muimane ha buihi ne tshioshelu; yeye wakamba ne, Kuma ku mitu ya makunshi a ku bibuelelu bia nsubu bua azakale; wâtshibule bituha ha mitu ha bantu bonso; nenshihe bakuabo badi bashala ne muoyo ku muele wa nvita, kakuena umue wabo wanyema, kakuena umue wabo wahanduka.

MUKANDA WA MYIDI MUKULU

¹ Meme kumona Maweja-Nangila muimane pa tshilambuilu. Uvua wela mbila ne: “Tuuta ku mitu ya makunji, bua nzubu mujima anyungakane ne ku tshitaku. Tshibula makunji, azaze mitu ya bonsu. Badi bashala ne muoyi, nembashipeshe ku muele wa mvita. Muntu nansha umue kakunyema, kakupanduka ku lufu.

Amosa 9:1 Referans Kwoze

Misambu 68:21

Kadi Nzambi neahande mitu ya bena lukuna bandi bihesa, neahande lubombo lua mutu ludi ne nsuki ya bungi lua muntu udi unanukila kuenda mu bubi buandi.

Didimanyisha 1:17

Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

Yowanane 1:18

Kakuena muntu wakuanza kutangila Nzambi; Muana umuehele mulela udi mu tshiadi tshia Tatu, yeye wakamuamba.

Abakuke 3:13

Wakahatuka biebe bua kuhandisha bantu bebe, bua kuhandisha muntu webe muedibue manyi ha mutu; wakatshibula musonga wa nsubu wa bantu babi, mumueneshe bishimikidi biandi hatoke tô ne ku mutu kua tshimanu.

Amosa 3:14

mu dituku dinatumina Bena Isalele makenga bua malu mabi abo, nenshihe bioshelu bia Betele; nebakose nsengu ya ku tshioshelu ne neyihone hanshi.

Yeshaya 6:1

Mu tshidimu tshiakafua mukelenge Uziya nakamona Mukelenge mushikame mu nkuasa wandi wa bukelenge, muikale kulu ne mubandishibue mulu, ne tshilulu tshia kumanda kua muzabi wandi tshia-kûsha ntempelo tente.

Yowanane 1:32

Yone wakamba ne, Nakumona Nyuma uhueka mu diulu bu nyunyu wa nkutshi, wakumuikila.

Sefanya 2:14

Bisumbu bia nyama nebilale hanshi munkatshi muau, nyama ya mu mpata ya mishindu yonso. Mpunga tshikola ne nkese nebishikame ha mutu ha bibumba; nyunyu mikuabo bu tshihungulu ne tshikololo neyele dî mu masoso a nsubu; dibutuka nedikale mu mbelu yonso, bualu bua yeye wakamuenesha hatoke tô miaba yakalengeshabo ne mabaya a cêdre.

Yezekiyele 10:4

Bualu bua butumbi bua Yehowa buakumuka ku mitu kua bakeluba, buakaya ku mbelu kua nsubu; nsubu wakula tente ne ditutu, ne tshiendelu tshiakula tente ne dinkenke dia butumbi bua Yehowa.

Yezekiyele 9:2

Monai kabidi! Bantu basambombo bakafuma ku luseke lua ku tshibi tshia ku mutu tshiakadi tshitangile ku luseke lua node. Muntu yonso wa munkatshi muabo wakadi ne tshilonda tshiandi mu tshianza tshiandi. Munkatshi muabo muakadi muntu mukuabo muluate bivualu bia lin, muikale ne kalondo ka mai a mukanda ka mufundi kasuika mu tshifuka tshiandi. Bakabuela mu ntempelo, hakimana hehi ne tshioshelu tshia tshiamu tshia mitaku.

Yezekiyele 1:28

tshifuana muanzankongolo udi umueneka mu matutu mu dituku didi nvula uloka; ke muakadi tshinfuanyi tshia kukenka kukole kuakamunyunguluka. Etshi tshiakadi tshinfuanyi tshia butumbi bua Yehowa tshiakamueneka kundi. Hanakatshimona, nakatua mpala wanyi hanshi, nakunvua dî dia mukuabo wakadi wakula.

Yirmeya 48:44

Yehowa udi wamba ne, Udi unyema buowa neahone mu dijimba, wahanduka mu dijimba neakuatshike mu buteyi; bualu bua nentumine ba mu Moaba malu â mu tshidimu tshia kubala malu mabi abo.

Yeshaya 30:16

kadi nuakuamba bienu ne, Nansha, bualu bua netunyeme ba nyima ha tubalu! Nunku, nenunyeme bulelela. Nuakuamba kabidi ne, Netuende babande ha nyima ha nyama idi inyema lubilu; nunku badi banuihata nebanyeme lubilu kabidi.

2 Kulondolola 18:18

Mikaya wakamba ne, Nunku unvuai dî dia Yehowa: Nakamona Yehowa mushikame mu nkuasa wandi wa butumbi ne bonso ba mu diulu bimane ku tshianza tshiandi tshia balume ne tshia bakashi.

Bienzedi 26:13

bakafika diba munda munyi mukelenge, nakatangila munya mukole ufuma mu diulu mutambe dinkenka dia diba, wakuntemena meme ne bakadi benda nʼanyi.

Didimanyisha 8:3

Ne muanjelo mukuabo wakalua ne wakimana ku tshioshelu, wakadi ne tshikuhilu tshia ngolo tshia kuoshamu mananashi; ne bakamulesha mananashi a bungi bua kuasangisheye ne mitendelelu ya basanto bonso ha tshioshelu tshia ngolo tshiakadi ku mpala kua nkuasa wa butumbi.

Misambu 68:22

Mukelenge wakamba ne, Nempinganeku kabidi ne bandi ngumusha mu Bashana, nempinganeku kabidi ne bandi mpatula mu ndondo wa mu mai manene;

Yirmeya 11:11

Nunku Yehowa udi wamba ne, Nembatumine dikenga didibo kabayi mua kudinyema. Nebadie kundi, kadi tshiena mbunvuila.

Yirmeya 42:16

muele wa nvita unudi nutshina neunuhete mu buloba bua Ejipitu, ne tshiole tshinudi nutshina netshinulonde ku nyima kuenu kuakua mu Ejipitu; nenufuileku.

Yezekiyele 15:7

Nembahidie; bakuhatuka mu kahia, kadi kahia kakuabo nekabavingutule; nenumanye ne, Ndi Yehowa, hanabahidia.

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Sefanya 1:12

Mu tshikondo atshi nenkebekebe mu Yelushalema ne minda, nenkengeshe bantu badi bashikame tshianana bua maluvu a nyinyo musambakena ha bisekeseke, badi bamba mu mitshima yabo ne, Yehowa kena wenza malu mimpe, kena wenza malu mabi.

Yoshua 10:18

Yoshua wakamba ne, Bungulushai mabue manene, nuateke ku mushiku wa lubuebue, ne bantu bimaneku bua kubalama;

Amosa 7:9

Bitendelelu bia Isaka bia ha mikuna nebibutudibue; bitendelelu bia Bena Isalele nebiuhudibue; nembike bua kubunda tshiota tshia Yalobama ne muele wa nvita.