Amosa 8:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Buloba kabuena mua kuzakala bua muanda eu, anyi? Bonso badi bashikamemu kabena mua kuasa miadi, anyi? E, buloba buonso nebubande bu mudi musulu wa Nile ubanda; nebunyungishibue, nebuhueke kabidi bu mudi musulu wa Ejipitu wenza.

MUKANDA WA MYIDI MUKULU

⁸ Ke padi buloba buzakala, bonsu badi basombapu basa muadi. Buloba bujima nebubande, nebupueke, bu mudi musulu wa Nile mu Ejipitu.

Amosa 8:8 Referans Kwoze

Amosa 9:5

Bualu bua Yehowa, Nzambi wa misumba, nyeye udi ulenga buloba tshianza ne budi buvingutuka, ne bonso badi bashikamehu badi basa muadi. Buloba buonso budi bubanda bu mudi musulu wa Nile ubanda, budi buhueka kahidi, bu mudi musulu wa Ejipitu uhueka.

Osheya 4:3

Bua mianda yaya buloba budi buasa muadi, ne bantu bonso badi bashikamemu badi batekete, ne nyama ya mu mpata ne nyunyu ya mu diulu bidi bitekete muomumue; minyinyi ya mu mai kabidi idi ifua.

Yirmeya 46:8

Eu udi Ejipitu udi ujuka bu musulu wa Nile, bu misulu idi mai ai atuta mambuanka. Yeye udi wamba ne, Nenjuke, nembuikile buloba; nembutule misoko ne bantu badi bashikamemu.

Misambu 18:7

Ka buloba buakazakala ne buakanyunga, bishimikidi bia mikuna mile biakazakala kabidi ne biakakanka, bualu bua yeye wakadi ne tshiji.

Yeshaya 5:25

Bua malu â tshiji tshia Yehowa tshiakatema kudi bantu bandi, ne yeye wakolola tshianza tshiandi bua kubakuma nʼatshi, wakabatuta; mikuna yakazakala, ne bitalu biabo biakalala munkatshi mua misesu bu bintu bia kuela ku diala. Bua malu â onso tshiji tshiandi katshiena tshikudimuke, kadi tshianza tshiandi tshitshidi tshiolola.

Matayi 24:30

hashishe, tshimanyinu tshia Muana wa muntu netshimueneke mu diulu; bisamba bionso bia ha buloba nebidile, nebimone Muana wa muntu ulua ha matutu a mu diulu ne bukole buandi ne butumbi buandi bunene.

Amosa 8:10

Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Danyele 9:26

Hashika mbingu ai makumi asambombo ne ibidi, nebashihe muntu muedibue manyi ha mutu; kakuena muntu wahiana mudimu wandi. Bantu be mukokeshi ulualua nebashihe musoko ne tshitendelelu; nshikidilu wandi neikale bu kûla ne kuhasalala kua musulu wa mai. Bakujadika ne, Dibutuka nedikaleku tô ne hashika nvita.

Yirmeya 12:4

Buloba nebuase muadi, ne midioko ya buloba buonso neyifubidile musangu bule bishi? Bua bubi bua bantu badi bashikamemu nyama ne nyunyu yakûmushibua ha buloba; bualu bua bantu aba badi bamba ne, Nzambi kena umona kunshikidilu kua malu etu.

Yirmeya 46:7

Eu nganyi udi ubika bu musulu wa Nile, udi mai au atuta mambuanka?

Yirmeya 51:29

Buloba budi buzakala, budi ne dikenga, bualu bua malu adi Yehowa muhangidishe bua kuenzela Babulona adi majalame, bua kuvuisheye buloba bua Babulona bu tshikisu, kakuyi muntu mushikamemu to.

Nahume 1:8

Kadi yeye neabutule muaba wa badi nʼandi lukuna ku bungi bua mai adi ahasalala, neihate badi nʼandi lukuna tô ne mu mîdima.