Amosa 8:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Unvuai bualu ebu, nuenu badi badiata bakengi mu makasa, ne badi babutule bahele ba mu ditunga,

MUKANDA WA MYIDI MUKULU

⁴ Nuenu badi badiatakaja bakengi, nuenu badi bakeba kushipesha bapele mu ditunga, telejayi tshindi ngamba ne:

Amosa 8:4 Referans Kwoze

Amosa 5:11

Nudi nudiata muntu muhele muinshi mua makasa enu, ne nudi numunyenga milambu ya blé ku bukole; nunku bua bualu ebu nsubu ya mabue masonga inuakuibaka, kanuena nushikamamu; tumuma tuimpe tua nvinyo tunuakukuna, kanuena nunua nvinyo yatu.

Nsumuinu 30:14

Bantu badiku badi ne menu bu miele ya nvita, badi ne menu a ku binyanganyanga bu tuele bua kudiabo bahele, kubajimisha ha buloba, bua kudiabo bakengi, kubumusha munkatshi mua bantu.

Misambu 14:4

Benji ba malu mabi bonso kabena ne meji, anyi? Badi badia bantu banyi bu mudibo badia bidia, ne kabena babikila dina dia Yehowa.

Misambu 140:12

Ndi mumanye ne, Yehowa neabingishe muena dikenga hamulumbuluishabo, nealumbuluile bahele biakane.

Misambu 12:5

Bualu bua badi bakengesha bahele, bualu bua badi bakengela bintu badi balua mikemu, Yehowa udi Wamba ne, Nembike bianyi; nemmushikike mu muaba wa luhandu udiye ukebakeba.

Yakobe 5:6

Nuakuhisha, nuakushiha muntu muakane; yeye kena ufuilangana nʼenu.

Matayi 23:13

Nuenu bafundi ne Bafalese, nudi bena lubombo, mulau ulualua kunudi, bualu bua nuenu nudi nuinshidila bantu tshibi tshia bukelenge bua mu diulu; nuenu kanuena nubuelamu, kanuena nuitabusha bua bakuabo badi basue kubuela babuele!

Yirmeya 5:21

Unvuai bienu dî edi, nuenu bantu bahote ne badi kabayi ne mitshima idi ijingulula; nudi ne mesu, kadi kanuena numona; nudi ne matshu, kadi kanuena nunvua.

1 Bakalenga 22:19

Mikaya wakamba ne, Unvuai dî dia Yehowa: Nakatangila Yehowa mushikame mu nkuasa wandi wa butumbi, ne bisumbu bia bonso badi mu diulu bakadi bimane ha buihi nʼandi ku tshianza tshiandi tshia balume ne ku tshianza tshiandi tshia bakashi.

Amosa 7:16

Wewe unvua dî dia Yehowa; wewe udi wamba ne, Kuambi dî dia kuhisha nʼadi Bena Isalele, kuhatudi dî diebe bua kuhisha ba mu tshiota tshia Isaka.

Yirmeya 28:15

Yelemiya muprofete wakambila Hananya muprofete ne, Unvua biebe, Hananya! Yehowa kakukutuma nansha; kadi wewe udi wenzesha bantu aba bua kueyemenabo mei a mashimi.

Yeshaya 28:14

Nunku, unvuai bienu dî dia Yehowa, nuenu babuidi badi bakokesha bantu aba ba mu Yelushalema!

Yeshaya 1:10

Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

Misambu 56:1

Nzambi, unfuile luse, bualu bua bantu badi bandiatakasha muinshi mua makasa; dinda tô ne ku dilolo bena nvita badi bankengesha.

Yobe 24:4

Badi basesuisha hakengi mu nshila ku bukole; bahele bonso ba ha buloba badi basokoma.

Yezekiyele 45:10

Nuikale ne biamu bidi bidikisha bintu ne tshidikishilu tshiakane, tshihiminu tshia épha tshiakane, ne tshihiminu tshia bintu bienguluke tshiakane.

Amosa 5:12

Bualu bua ndi mumanye ne malu mabi enu adi mavule, ne mibi yenu idi mihite bukole; nuenu nudi nukengesha badi bakane, nudi nuangata mbueshilu, nudi nusesuishe bahele ku tshibuelelu tshia musoko.

Mika 2:2

Badi bakuma mitshima yabo ku madimi a bakuabo, badi bânyenga; ne ku nsubu ya bende, badi bayinyenga. Badi bakengesha muntu ne ba mu nsubu wandi, muntu mene ne buhianyi buandi.

Misambu 10:7

Mukana muandi mudi mûle tente ne bihendu ne kudinga ne nvita; muinshi mua ludimi luandi mudi lukinu ne malu mabi.

Yezekiyele 22:12

Mukelenge Yehowa udi wamba ne, Bakuabo ba munkatshi muenu bakuitabusha mbueshilu bua kumatshisha mashi a bakuabo hanshi; wewe wakulomba bia kasombela ne bia makasa, wakunyenga bintu kudi bena mutumba nʼebe ku bukole; wakumpua muoyo.

Mika 3:3

nudi nudia munyinyi wa bantu banyi, nudi nubula dikoba diabo, nudi nutshibula mifuba yabo, nudi nubakosa mahunda mahunda, bu mudibo benza munyinyi wa kuela mu luesu, ne munyinyi wa nyama mu tshifuadi.

Zekâya 5:6

Nakamuebesha ne, Etshi ntshinyi? Yeye wakamba ne, Etshi ntshihiminu tshia épha tshidi tshihatuka. Wakamba kabidi ne, Etshi ntshifuanyikishi tshia malu mabi abo ha buloba buonso.