Amosa 8:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nenkudimune bikondo bienu bia kudia bia disanka bua kulabi bu bia madilu, ne misambu yenu yonso bua kuluayi miadi; nenvuadike bantu bonso bilulu bikayabala mu bifuka biabo, nentule dibala ha mutu wonso; nenvuishe tshikondo atshi bu tshia madilu adibo bashila muana umuehele muledibue, ne kunshikidilu kuatshi nekuikale bu dituku dia kanyinganyinga kakole.

MUKANDA WA MYIDI MUKULU

¹⁰ Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Amosa 8:10 Referans Kwoze

Yirmeya 6:26

Wewe, muana mukashi wa bantu banyi, udiluatshishe ne bilulu bikayabala, udibonde mu butue; udiashile muadi bu mudibo bashila muana mulume umuehele wa muntu, muadi muhite bukole; bualu bua mushihianganyi neatuluishe lukasa.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Yezekiyele 7:18

Nebadiluatshishe ne bilulu bikayabala ne buowa nebubakuate; bundu nebukuate buonso buabo ku mesu, nebatuke mabala ha nutu habo bonso.

Yirmeya 48:37

Ha mutu ha muntu yonso hakutuka dibala, ne bakubeya muevu wa muntu yonso; ha bianza bia muntu yonso hadi mputa yakuditaheye, mu tshifuka tshia muntu yonso mudi bilulu bikayabala.

Yobe 20:23

Hambeye kukuta, Nzambi neatemeshe tshiji tshiandi kudiye, neamuhumuinetshi bu bia kudia biandi.

Osheya 2:11

Nendekeshe miloû yandi yonso, bidia biandi bia masanka, masanka andi a ngondo mihia-mihia, matuku andi a mbingu ne bikondo bionso biakudisu-nguileye bua kusanka.

Nahume 1:10

Badi bajingakane bu mingonge ya meba, badi bakuatshike maluvu abo, badi balue bu bisonsa biume

Amosa 8:3

Mukelenge Yehowa udi wamba ne, Misambu ya mu nsubu wa mukelenge neyandamuke miadi dituku adi. Bitalu bia bafue nebikale bia bungi; nebabimashe mu miaba yonso, bahuwe talalâ.

Amosa 5:23

Umukai kundi ne mutoyi wa misambu yenu, tshiena nteleja matshu anyi ku muadi wa bisanji bienu.

Yobe 3:5

Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Dielulula 16:14

nenuikale ne disanka hanuadia bidia ebi, ne muana webe mulume ne muana webe mukashi ne muntu webe mulume ne muntu webe mukashi ne Muena Lewi ne muenyi ne bana ba nshiya ne bakashi ba mu lufuila badi mu misoko yenu.

Genese 21:16

Yeye wakaya ha bule buludiludi buakadi muana bu mudi muntu wamba kuela mikete, bualu bua wakamba ne, Tshitangidi lufu lua muana Yeye wakashikama buludiludi buakadi muana, wakaula muadi, wakadila.

Lewitiki 13:40

Bikala nsuki ya muntu mituke, ne bikaleye muena dibala, yeye udi muakane.

Yeshaya 3:24

Halua tshikondo atshi, mu muaba wa bintu bia muhuya muimpe nemuikale bintu bibole; mu muaba wa kusuikabo mukaba wa tshilulu nebasuike nshinga; mu muaba wa nsuki idi miluka bihia nemuikale mabala, ne mu muaba wakadibo baluata diyeke dimpe, nebadijingile ne tshilulu tshidi tshiosha; nsalu ya muhika misadibue ne tshiamu tshidi tshiosha nebikale mu muaba wa bulengele bua mpala yabo.

Yirmeya 2:19

Mukelenge Yehowa wa misumba udi wamba ne, Bubi buebe buine nebukusamine, kundekela kuebe bua kuhingana ku malu a tshianana nekukubele. Nunku neumanye, neumone kabidi, bu mudi muanda eu wa kulekela Yehowa Nzambi webe mmuanda mubi ne wa bululu, ne mudi ditshina dianyi kadiyi munda muebe.

Muadi 5:15

Disanka dia mitshima yetu diakujimina, maja etu akuandamuka madilu.

Yezekiyele 7:2

Wewe, muana wa muntu, amba ne, Mukelenge Yehowa udi wambila ba mu buloba bua Isalele ne, Nshikidilu wafiki, nshikidilu wafiki ku matengu anai onso a buloba!

Yowele 1:8

Asai muadi bu mukashi utshidi kamama muluate bilamba bikayabala udidila mulume udi mumubangile mu bunsongakashi buandi.

Amosa 5:21

Ndi mbenga bidia bienu bia disanka, bidi bintonda; tshiena ngunvua disanka hua masangisha enu.

Yobe 30:31

Kuimba kua lunzenze luanyi kuakuandamuka madilu, ne muadi wa lushiba luanyi wakandamuka dî dia badi badila.

Osheya 2:13

Nunku Yehowa udi wamba ne, Nendue kudiye ne makenga bua matuku akoshileye Ba-Bâla musenga wa manananshi, ne akadilengesheye ne kakanu ka ku diulu ne bilenga biandi, hakalondeye bamunangi, ne wakatula bualu buanyi muoyo.