Amosa 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ kadi kanukebi Betele, kanuyi ku Gilegala, kanuyi ku Bê-sheba. Bualu bua ba mu Gilegala nebabuele mu buhika bulelela, ne Betele nealue muaba wa hatuhu.

MUKANDA WA MYIDI MUKULU

⁵ Kadi kanunkonki malu mu nzubu wa kutendelela wa Betele. Kanubuedi muaba wa kutendelela wa mu Ngilgale, kanuendi luendu lua tshijila, batangile ku Bersheba nansha. Bualu bena Ngilgale, nebaye nabu mu bupika; Betele, nzubu wa Maweja-Nangila, neashale nzubu wa makenga.”

Amosa 5:5 Referans Kwoze

Osheya 4:15

Bena Isalele, nansha binualonda malu a masandi, Bena Yuda kabahishibu bua muanda eu nansha. Kanulu ku Gilegala, kanubandi ku Bete-awena, kanuditshihi nunku ne, Bu mudi Yehowa ne muoyo.

Amosa 8:14

Badi baditshiha ku bubi bua Samalea, bamba ne, Wewe Dana, bu mudi nzambi webe ne muoyo! Bu mudi nshila wa ku Bê-sheba mutshikaleku, bobo aba nebahone hanshi, kabena bajuka kabidi tshiendelele!

Amosa 4:4

Luai ku Betele, enzai malu mabi enu; ne ku Gilegala, vudishai mibi yenu; luai ne milambu yenu buatshia-buatshia, ne bintu bienu bia tshia dikumi ku matuku asatu ku matuku asatu.

Genese 21:33

Abalahama wakakuna mutshi ku Be-sheba, wakabikilaku dina dia Yehowa, Nzambi wa Kashidi.

Didimanyisha 18:17

Bualu bua mu luhola lumue bubanshi bunene nunku budi bubutudibua. Ne kapitene konso ka buatu, ne muntu yonso udi wenda mu buatu mu muaba wonso, ne bendeshi ba matu, ne bonso badi baheta bidibo nʼabi bualu ku mudimu wa ha mai manene, bakimana ha bule,

1 Korente 2:6

Tudi tuamba mei a meshi munkatshi mua bantu bakamana kukola mu bualu bua Nzambi, kadi kemeshi a tshikondo etshi anyi a bakokeshi ba tshikondo etshi balualua ba hatuhu.

1 Korente 1:28

ne Nzambi wakasungula malu mahuekela a ha buloba, ne malu adibo bahetula, ne bintu bidi kabîku, bua kuvuisheye nʼabi bintu bidiku ne ntshianana;

Amosa 7:17

Nunku Yehowa udi wamba ne, Mukashi webe neikale mukashi wa masandi mu musoko eu, ne bana bebe ba balume ne ba bakashi nebashihibue ku muele wa nvita; nebabanyangane buloba buebe ku luidi. Wewe muine neufue mu buloba bubiha, nebaye ne Bena Isalele mu buhika, babumushe mu buloba buabo.

Osheya 12:11

Bikala Gilada tshintu tshia hatuhu, badi bashikamemu badi bantu ba hatuhu; mu Gilegala badi bafila balume ba ngombe bu milambu kudi mpingu, e, bioshelu biabo bidi bu mishiki ya mabue mu mabula a mu budimi.

Osheya 10:8

Bitendelelu bia ha mukuna wa Awena nebibutudibue, biakadi bubi bua Bena Isalele; meba ne mingonge nebimene ha bioshelu biabo; ne bobo nebambile mikuna ne, Nutubuikile! Nebambile mikuna mikese ne, Nutuhonene!

Osheya 9:15

Bubi buabo buonso budi mu Gilegala, mu muaba au nakabakina. Bua malu mabi abo nembihate mu nsubu muanyi; tshiena mbananga kabidi; bakokeshi babo bonso badi bantombokedi.

Yeshaya 29:20

Bualu bua amena tshinyangu wakuvuishibua muntu wa hatuhu, mubuidi wa bualu bua Nzambi wakuhuwa, ne bonso badi batentekela diba dia kubuelabo mu malu mabi badi bajimina.

Yeshaya 8:10

Elai tshifufu tshienu, kadi netshiandamuke bualu bua hatuhu; ambai dî, kadi kadiena dijalama, bualu bua Nzambi udi nʼetu.

Misambu 33:10

Yehowa udi uvuisha meji adi ba mu bisamba bia bantu bahangidisha malu a hatuhu; udi uhumbisha malu adi bantu bahangidisha bua kuenzabo.

Yobe 8:22

Bena lukuna bebe nebafuishibue bundu, ne ntenta wa bantu babi kena wikalaku kabidi.

1 Samuele 11:14

Samuele wakambila bantu ne, Luai, tuye ku Gilegala, netujadikileku bukelenge.

1 Samuele 7:16

Ku tshidimu ku tshidimu yeye wakendakana ku luseke alu ku Betele ne Gilegala ne Misepa: wakalumbulula Bena Isalele mu misoko ei yonso.

Dielulula 28:41

Nenulele bana balume ne bana bakashi, kadi bobo kabena benu, bualu bua bobo nebaye mu buluka.

Genese 21:31

Nunku bakabikila muaba au ne, Besheba bualu bua bubidi buabo bakaditshihilaku.

1 Samuele 8:2

Dina dia muanʼa bute wandi diakadi Yoele, ne dina dia muakunyi wandi diakadi Abiya: bakadi balumbuluishi mu Bê-sheba.

1 Bakalenga 12:28

Nunku mukelenge wakakeba lungenyi, wakatula tuana tua ngombe tua or tubidi; wakambila bantu ne, Budi butamba bukole bua nuenu kuya ku Yelushalema; tangilai nzambi yenu, Bena Isalele, yakanuluhula mu buloba bua Ejipitu.

1 Bakalenga 12:29

Wakateka kamue mu Betele ne kakuabo mu Dana.

Amosa 3:14

mu dituku dinatumina Bena Isalele makenga bua malu mabi abo, nenshihe bioshelu bia Betele; nebakose nsengu ya ku tshioshelu ne neyihone hanshi.

Amosa 7:10

Hashishe, Amasaya, muakuidi wa ku Betele, wakatumina Yalobama, mukelenge wa Isalele, dî ne, Amosa wakulelela tshifufu tshibi munkatshi mua tshisamba tshia Bena Isalele; buloba kabuena mua kulama mei andi onso.

Amosa 7:13

Kadi kuedi dî diebe kabidi mu Betele tshiendelele; bualu bua eu mmuaba wa tshijila wa mukelenge, ne mbalasa wandi wa bukelenge udimu.

Genese 26:23

Wakumukaku, wakaya ku Bê-sheba

Genese 26:33

Yeye wakadidika ne, Shiba, nunku badi babikila dina dia musoko au ne, Be-sheba to ne ku dituku edi.

Yoshua 5:9

Yehowa wakambila Yoshua ne, Lelu nakumusha bundu bua Ejipitu kunudi. Nunku badi babikila muaba au ne, Gilegala tô ne lelu.

2 Bakalenga 23:8

Wakumusha bakuidi bonso mu misoko yonso ya mu Yuda, wakanyanga bitendelelu biakadi bakuidi boshahu musenga wa manananshi ku Geba tô ne ku Bê-sheba; wakashimbula bitendelelu biakadi ku tshibuelelu tshia ku tshibi tshia Yoshua, mukelenge wa musoko, biakadi ku tshianza tshia bakashi tshia ku tshibi tshia musoko.

Yirmeya 48:13

Moaba neakuatshike bundu bualu bua Kemoshe, bu muakakuatshika Bena Isalele bundu bualu bua Betele, tshieyemenu tshiabo.

Amosa 1:5

Nentshibule lukanu lua ku tshibi tshia ku Damaseke, nembutule badi bashikame mu tshibanda tshia Awena, ne mukuatshi wa dikombo dia bukelenge ku Bete-edene; bantu ba mu Sulia nebabuele mu buhika ku Kî. Yehowa udi wamba nunku.

Amosa 7:9

Bitendelelu bia Isaka bia ha mikuna nebibutudibue; bitendelelu bia Bena Isalele nebiuhudibue; nembike bua kubunda tshiota tshia Yalobama ne muele wa nvita.