Amosa 4:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku nennuenzele muanda eu, Bena Isalele; nuenu, Bena Isalele, nudilongolole bua kusambakena ne Nzambi wenu, bualu bua nennuenzele muanda eu.

MUKANDA WA MYIDI MUKULU

¹² Kadi mpindiewu nemfike menemene! Bena Izrayele, nenumone mundi nnunyoka. Nudilongolole bua kupetangana nanyi, bua kudileja kumpala kuanyi meme, Mvidi Mukulu wenu.

Amosa 4:12 Referans Kwoze

Yezekiyele 13:5

Kanuakubanda bua kulongolola miaba ya mu lumbu mishimbuke, kanuakuashila ba mu tshiota tshia Isalele lumbu bua bobo bamanye mua kuimana bakandamana mu nvita dituku dia Mukelenge.

Yeshaya 47:3

Butaka buebe nebusokoloke, e, bundu buebe nebumueneke ku mesu kua bantu. Nendisombuele, ne tshiena ndengesha ne muntu.

Matayi 24:44

Nunku nuenu kabidi nudilongolole, bualu bua Muana wa muntu nealue ha diba dinudi kanui belangane meshi.

Matayi 5:25

Ulengeshe ne udi nʼebe lukuna lukasa, hautshidi nʼandi mu nshila; biwikala kui wenza nunku, udi nʼebe lukuna neakufile mu bianza bia mulumbuludi, ne mulumbuludi neakufile mu bianza bia mpolushe, nebakuele mu nsubu wa lukanu.

Osheya 13:8

Nembabunde bu nkashama udibo banyenga bana bandi, nembahande tô ne ku lukutu lua mutshima; nembafile bu mudi mukashiʼa nyama wa ntambue wenza; nyama wa mu mpata neabahande bihesa.

Yezekiyele 22:30

Nakakeba muntu munkatshi muabo wakamanya mua kuibaka lumbu kabidi, ne bua kuimaneye ku mpala kuanyi mu muaba wakashimbuka bua kukuatshisha ba mu buloba ebu, bua meme tshibubutudi; kadi tshiakasangana muntu.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.

Amosa 2:14

Bukole bua kunyema nebujimine kudi muena lubilu, ne muena dikanda kena unvua bukole bua kudikuatshisha, ne muena nvita kena udihandisha.

Yeshaya 32:11

Hampakanai ne buowa, nuenu bakashi badi banema; zakalai, nuenu badi kabayi ne ntatu; nuvule bilulu bienu, nushale butaka; nudijingile bilulu bikayabala mu bimono bienu.

Yeshaya 64:2

bu mudi muanda mulue hosha kahia tshisala, ne hasabisha kadilu mai, bua kumanyisha badi nʼebe lukuna dina diebe, bua ba mu bisamba bia bantu bazakale ku mpala kuebe!

Yirmeya 5:22

Yehowa udi ukonka ne, Kanuena nuntshina, anyi? Kanuena nuzakala ku mpala kuanyi, meme nguakuteka nsenga bu mukalu wa mai manene, bu nkila wa tshiendelele udi mai manene kâyi mua kuhitaku, anyi? Bialua mavuala bua kuditutaku, kaena mua kumubumbula; bialuau ne tshiona tshikole, kaena mua kumusambuka.