Amosa 2:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Meme nakanuluhula mu buloba bua Ejipitu, nakanulombola mu tshihela tô bidimu makumi anai, bua nuenu nuangate buloba bua Bena Amole.

MUKANDA WA MYIDI MUKULU

¹⁰ Nkavua mudianjile kunupatula mu Ejipitu, meme kuenda nenu mu tshipela bidimu makumi anayi, meme kunuludika bimpe, kunufikisha mu ditunga dia bena Amore bua nudikuate.

Amosa 2:10 Referans Kwoze

Dielulula 2:7

Bualu bua Yehowa, Nzambi wenu, wakatuadishila disanka mu malu onso anuakenza ne tshianza tshienu; yeye wakamanya ngendu yenu mu tshihela etshi tshinene; mu bidimu ebi makumi anai Yehowa, Nzambi wenu, wakadi nʼenu; kanuakakengela tshintu.

Ekesode 12:51

Mu dituku adi mene mene Yehowa wakumuka ne Bena Isalele mu Ejipitu ne bisumbu biabo.

Amosa 3:1

Nuenu Bena Isalele, unvuai dî edi didi Yehowa unuhisha nʼadi, dia kunuisha nʼadi bonso ba mu tshisamba tshinakahatula mu buloba bua Ejipitu, ne,

Bienzedi 13:18

Bu bidimu makumi anai yeye wakabatuala mu tshihela bu tatu muledi.

Bienzedi 7:42

Kadi Nzambi wakabakoma nyima, wakabalekela bua kutendelelabo tshisumbu tshia bidi mulu; bu muakafundabo mu mukanda wa baprofete ne, Nuakafila nyama mishiha ne milambu kundi meme Bidimu makumi anai mu tshihela, anyi, nuenu ba mu nsubu wa Isalele?

Mika 6:4

Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Amosa 9:7

Yehowa udi ukonka ne, Nuenu Bena Isalele, kanuena bu bana ba Bena Atiopa kundi, anyi? Tshiakaluhula Bena Isalele mu buloba bua Ejipitu, ne Bena Peleshete ku Kefetô ne Bena Sulia ku Kî, anyi?

Ekesode 3:8

Nakulua hanshi bua kubasungila mu bianza bia Bena Ejipitu, ne bua kubaluhula mu buloba abu, ne bua kulua nʼabo mu buloba buimpe ne bunene, mu buloba budi ne mabele ne buitshi bia bungi, mu muaba wa Bena Kanana ne wa Bena Hiti ne wa Bena Amole ne wa Bena Pelese ne wa Bena Hiwi ne wa Bena Yebuse.

Yezekiyele 20:10

Nunku nakabahatula mu buloba bua Ejipitu, nakalua nʼabo mu tshihela.

Misambu 95:10

Bantu ba mu tshikondo atshi bakantondesha bidimu makumi anai, nunku nakamba ne, Badi bantu badi bahambuka mu mitshima yabo kabena bamanye nshila yanyi.

Nehemya 9:21

Bulelela, wewe wakabalama mu tshihela bidimu makumi anai, kabakadi bakengela tshintu; bilulu biabo kabiakasunsuka ne makasa abo kakûla nansha.

Dielulula 1:39

Kadi bana benu bakese banuakamba ne, Nebafue, badi kabayi banze kumanya malu mimpe ne malu mabi, bobo nebabuelemu, nebahiane buloba.

Ekesode 20:2

Ndi bianyi Yehowa, Nzambi webe, wakakuhatula mu buloba bua Ejipitu, mu nsubu wa buhika.

Dibadika 21:25

Bena Isalele bakanyenga bimenga ebi bionso Bena Isalele bakashikama mu bimenga bionso bia Bena Amole, mu Heshebona ne mu misoko ei yonso.

Yoshua 13:4

ku luseke lua Sude; buloba buonso bua Bena Kanâna, ne Meala udi wa Bena Sidona, tô ne ku Afeke ku mukalu wa Bena Amole;

Dibadika 13:32

Bakalua kudi Bena Isalele ne lumu lubi lua buloba buakatentekelabo, bakamba ne, Buloba abu butuakutentekela buta buadia bantu badi bikalamu, bantu bonso batuakamonamu badi bantu ba mibidi minene.

Dibadika 32:13

Yehowa wakadi ne tshiji kudi Isalele ne wakabende sha eku ne eku mu tshihela to bidimu makumi anai tô ne hakafua bantu bonso ba tshikondo atshi, bakadi benze bualu ebu bubi ku mesu kua Yehowa.

Yoshua 24:8

Nakalua nʼenu mu buloba bua Bena Amole bakadi bashikama dishiya dia Yadene; bobo bakaluangana nʼenu, nakabafila mu bianza bienu, nuakanyenga buloba buabo; nakababutula ku mpala kuenu.

Yirmeya 2:6

Kabakakonka ne, Yehowa wakafuma nʼetu mu buloba bua Ejipitu udi hanyi? Nguakatulombola mu tshihela, mu buloba bua lusenga ne bua majimba, mu buloba buakadi nvula kayi muloke ne bua mîdima mikole, mu buloba buakadi muntu kayi muhitshile, ne muakadi muntu kayi mushikame.