Agayi 2:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Dî dinakahunga nʼenu hanuakaluhuka mu Ejipitu didi dijalame. Nyuma wanyi neikale munkatshi muenu; kanutshinyi.

MUKANDA WA MYIDI MUKULU

⁵ Panuvua bapatuke mu Ejipitu, mvua munulaye bua kuikala munkatshi muenu. Kanutshinyi to.

Agayi 2:5 Referans Kwoze

Ekesode 34:10

Yeye wakamba ne, Nempunge nʼenu tshihungidi; nengenze malu a kukema ku mesu kua bantu bebe bonso, malu adi kâyi manze kumueneka ha buloba buonso anyi kudi tshisamba tshikuabo; bantu bonso badi nʼebe nebamone bienzedi bia Yehowa; bualu bua meme nengenze nʼebe bualu bukole.

Nehemya 9:20

Wewe kabidi wakabaha Nyuma webe muimpe bua kubayisha, wewe kuakakandisha mana ebe mukana muabo, wewe wakabaha mai a kumana nʼau nyota yabo.

Yeshaya 41:13

Bualu bua meme, Yehowa Nzambi webe, nenkukuate ku tshianza tshiebe tshia balume, nkuambila ne, Kutshinyi, nenkukuatshishe.

Zekâya 8:13

Bu munuakadi bantu bedibue mulau munkatshi mua bisamba bia bantu, nuenu Bena Yuda ne Bena Isalele, nunku ndi musue kunuhandisha, ne nenulue bantu badi basankisha bakuabo. Kanutshinyi, maboko enu ikale ne bukole.

Zekâya 8:15

nunku, nakuhangidisha mu matuku â bua kuenzela Yelushalema ne Bena Yuda bimpe. Kanutshinyi.

Bienzedi 27:24

wakungambila ne, Paulo, kutshinyi; bûdi nʼabu mbua kuimana ku mpala kua Kaisa; ne mona, Nzambi wakukuha bonso badi benda nʼebe mu buatu.

Yeshaya 41:10

Kutshinyi, bualu bua ndi nʼebe; kukenzakanyi bua buowa nansha, bualu bua ndi Nzambi webe; nenkukoleshe, bulelela, nenkukuatshishe; bulelela, netujadike ne tshianza tshianyi tshia balume tshia buakane buanyi.

Didimanyisha 1:17

Ne hanakamutangila, nakahona ku makasa andi bu mufue. Ne yeye wakateka tshianza tshiandi tshia balume hamʼbidi hanyi, wamba ne, Kutshinyi; meme ndi wa kumudilu ne wa kunshikidilu,

Matayi 28:5

Muanjelo wakandamuna bakashi ne, Kanuntshinyi; ndi mumanye ne, Nudi nukeba Yesu, wakashihabo ku mutshi mutshiamakane.

Zekâya 4:6

Nunku yeye wakitaba, wakangambila ne, Edi ndî dia Yehowa kudi Zelubabela ne, Kabiena bua bungi bua masalayi, anyi bua bukole, kadi mbua Nyuma wanyi; Yehowa wa misumba udi wamba nunku.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

2 Kulondolola 20:17

Kanuena ne bua kuluangana nvita ei; nudijadike, nuimane talalâ, numone luhandu lua Yehowa ludi nʼenu, nuenu Bena Yuda ne Bena Yelushalema; kanutshinyi, kanukemi; nuye kudibo hatshiabu; bualu bua Yehowa udi nʼenu.

Yoshua 8:1

Yehowa wakambila Yoshua ne, Kutshinyi, kukuatshila buowa, angata bena nvita bonso; bika biebe, ya ku Ai; tangila, nakamana kufila mukelenge wa Ai ne bantu bandi ne musoko wandi ne buloba buandi mu tshianza tshiebe;

Ekesode 34:8

Mose wakinama mutu wandi lubilu, wakatendelela.

Ekesode 19:4

Nuenu nuakutangila malu anakenzela Bena Ejipitu, ne bu munakanutuala ha mahuahua a nyunyu wa mukanku, bu munakalua nʼenu kundi meme.

Ekesode 19:6

Nuenu nenuikale kundi bu bukelenge bua bakuidi, bu tshisamba tshia tshijila. Â mei audi mua kuambila Bena Isalele.

Ekesode 24:3

Mose wakalua, wakamanyisha bantu mei onso akamba Yehowa, ne mikenji yandi yonso, ne bantu bonso bakitaba dî dimue ne, Mei onso akutuambila Yehowa netuênze.

Ekesode 24:8

Mose wakangata mashi, wakâmiamma hamʼbidi ha bantu, wakamba ne, Tangilai mashi a dihungila, diakuhunga nʼenu Yehowa bua mei au onso.

Yoshua 1:9

Tshiakukuambila, anyi? Ikala ne bukole ne mutshima wa dikima; kutshinyi, kukuatshiki buowa, bualu bua Yehowa, Nzambi webe, udi nʼebe kuonso kuwaya.

1 Samuele 12:20

Samuele wakambila bantu ne, Kanutshinyi: bulelela, nuakuenza bualu ebu bubi, kadi kanulekedi kulonda Yehowa, kadi nukuatshile Yehowa mudimu ne mitshima yenu yonso;