Agayi 2:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Yehowa wa misumba udi wamba ne, Mu dituku adi, Nenkuangate wewe Zelubabela, muntu wanyi, muana wa Shalatiele, nenkuvuishe bu kakanu ka ku munu wanyi; bualu bua nakukusungula. Yehowa wa misumba udi wamba mei â.

MUKANDA WA MYIDI MUKULU

²³ Dituku adi, wewe Zerubabele, muntu wanyi, newikale ne mushinga, bu mudi tshitampi tshianyi nawu. Bualu ndi mukusungule, bua wikale muenampala wanyi. Meme Maweja-Nangila, ndi ngamba nanku.

Agayi 2:23 Referans Kwoze

Yeshaya 43:10

Yehowa udi wamba ne, Nuenu nudi bamanyi banyi, ne nudi muntu wanyi unakusungula, bua nummanye ne nuitabushe dî dianyi, ne nujingulule bu mundi yeye mene. Kakuakadi nzambi mukuabo mufukibue ku mpala kuanyi, kakuena kuikala mukuabo ku nyima kuanyi.

Yeshaya 42:1

Tangilai, muntu wanyi undi nshindika, wanyi musungula udi mutshima wanyi usanka bualu buandi. Nakumuela Nyuma wanyi hamʼbidi handi; yeye neavuishile bisamba bia bende kulumbulula kuakane.

Yirmeya 22:24

Yehowa udi wamba ne, Bu mundi bianyi ne muoyo, bu wewe Yekoniya, muana wa Yehoyakima, mukelenge wa Yuda, muikale kakanu ka tshimanyishilu ka ku tshianza tshianyi tshia balume, nakadi kukukohola.

Musambu wa Solomo 8:6

Unteke mu mutshima webe bu tshimanyinu ne bu tshimanyinu ha diboko diebe; bualu bua dinanga didi ne bukole bua lufu; mukau udi ne bukole bua Muaba wa Bafue; udi utema bu ndimi ya kahia, bu kahia ka Yehowa mene.

1 Petro 2:4

nulue kudiye ndibue didi ne muoyo, diakahidiabo kudi bantu, kadi didi disungula kudi Nzambi, ndia mushinga mukole;

2 Timote 2:19

Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.

Yowanane 6:27

Kanukuatshi mudimu bua bia kudia bitu biafua, kadi nûkuate bua bidi bishala tô ne ku muoyo wa tshiendelele, bianuha Muana wa muntu; bualu bua Tatu, Nzambi mene, wakamuteka tshimanyishilu.

Matayi 12:18

Tangila, muntu wanyi unakusungula; Wanyi munanga udi usankisha mutshima wanyi; Nenteke Nyuma wanyi hamʼbidi handi; Yeye neambile bisamba bia bende malu mimpe.

Yeshaya 49:16

Tangila, nakunufunda munda mua bianza bianyi; ngumbu yebe idi ku mpala kuanyi misangu yonso.

Misambu 65:5

Wewe utu witaba kutudi mu buakane ku bienzedi biebe bidi bikuatshilu bantu buowa, wewe Nzambi wa luhandu luetu, wewe ntshieyemenu tshia bonso ba kunfudilu kua buloba, ne tshia badi benda ha mai manene adi atamba kule.