Abakuke 2:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mulau wikale kudi udi uhongoluela muena mutumba nʼandi maluvu mu mulondo wa lukuna luandi, udi umukuatshishau bua kumona butaka buandi.

MUKANDA WA MYIDI MUKULU

¹⁵ Nudi bena diakabi! Nudi belele bena mutumba, maluvu mela lulengu, bua bakuatshike, bavule bilamba. Ke nuenu kutangila mubidi wabu, kubafuisha bundu.

Abakuke 2:15 Referans Kwoze

Yirmeya 51:7

Babulona wakadi luhanza lua or mu tshianza tshia Yehowa, luakakuatshisha ba ha buloba bonso maluvu a malu mabi andi, ba mu bisamba bia bantu bakuma nvinyo yandi, nunku ba mu bisamba ebi bakuhala.

Genese 9:22

Hama, tatu wa Kanana, wakamona butaka bua tatu wandi, wakamanyisha bana babo babidi bakadi ha bule.

Didimanyisha 18:3

Bualu bua bisamba bionso biakuhuka ku nvinyo wa tshishi tshia masandi andi, ne bakelenge ba ha buloba bakenda nʼandi masandi, ne bangendʼa mushinga ba ha buloba bakalua babanshi ku bukole bua buneme buandi.

Didimanyisha 17:6

Ne nakatangila mukashi mukuatshike ne mashi a basanto, ne mashi a bamanyishi ba Yesu. Hanakamutangila, nakakema ne dikema dikole.

Didimanyisha 17:2

udi bakelenge ba ha buloba benda nʼandi masandi, ne badi bikala ha buloba bakakuatshishibua ne nvinyo wa masandi andi.

Osheya 7:5

Mu dituku dia disanka dia mukelenge wetu bakokeshi bakadisamisha ku luya lua maluvu a nvinyo; yeye wakolola tshianza tshiandi diatshimue ne baseki.

Yirmeya 25:15

Yehowa, Nzambi wa Isalele, wakangambila ne, Angata luhanza elu lua nvinyo wa njiya yanyi ku tshianza tshianyi, ulunuishe bisamba bionso bia bantu bia kundi nkutuma.

2 Samuele 11:13

Hakamubikila Davidi, yeye wakadia, wakanua ku mpala kuandi; Davidi wakamunuisha maluvu, wakakuatshika; kadi dilolo wakahatuka bua kulala ha bulalu buandi ne bantu ba mukelenge wandi, kakaya ku nsubu kuandi.

Ekesode 32:25

Hakatangila Mose ne bantu bakadi batomboka (Alona wakabanda bua kudifuishishabo bundu kudi bena lukuna babo),

Yeshaya 5:22

Mulau wikale kudi badi ne bukitu mu kunua kua maluvu ne badi ne dikima dia kusangakasha maluvu makole;

Yeshaya 28:7

Kadi bantu aba mene badi batshinkakana ne nvinyo, badi batenkakana bualu bua maluvu makole; muakuidi ne muprofete badi batshinkakana bualu bua maluvu makole, badi baboteshibua bualu bua nvinyo, badi batenkakana bualu bua maluvu makole; badi batuhakana mu dijingulula dia bikena kumona, badi balenduka hakosabo bilumbu.

Abakuke 2:14

Kadi buloba nebûshibue tente ne kumanya kua Yehowa, bu mudi mai avuisha mai manene onso.

Abakuke 2:16

Bundu buebe nebutambe, butumbi buebe nebukehe; nua biebe, utetuke! Luhanza lua mu tshianza tshia bukole tshia Yehowa nelufike kûdi, bundu bukole nebubihishe butumbi buebe.

Yeshaya 28:8

Mesa onso adi mabuikila ne bilushi biabo ne bukoya, kakuenahu muaba udi kauyi ne bukoya.