Abakuke 1:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Wewe udi ne mesu mahite buakane adi kâyi mua kutangila malu mabi, ne kuena mua kutangila bienzedi biabo bibi tshianana. Nunku bualu kai udi utangila bantu aba hadi benza malu mabi abo a bunsonge, ne udi uhuwa talalâ halua muntu mubi kumina mukuabo udi umuhita buakane?

MUKANDA WA MYIDI MUKULU

¹³ Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Abakuke 1:13 Referans Kwoze

Misambu 50:3

Nzambi wetu udi ulua, kena uhuwa talalâ, kahia kadi ku mpala kuandi kadi kosha bintu, tshihuhu tshitambe bukole tshidi tshimunyunguluka.

Misambu 10:15

Utshibule diboko dia muntu mubi, bakebekebe bubi bua muenji wa malu mabi tô ne hawikala kuyi mua kubumona kabidi.

2 Samuele 4:11

Nunku halua bantu babi kundi bakashiha muntu muakane mulale mu nsubu muandi ha bulalu, bualu kabuena butambe kunkuata bua kusombuela mashi andi adi ha bianza bienu bua kunûmusha ha buloba, anyi?

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Yeshaya 64:12

Yehowa, neudikande bua malu â, anyi? Neuhuwe talalâ, neutambe kutukengesha, anyi?

Yeshaya 33:1

Mulau wikale kûdi, wewe udi ubutula, ne kabakubutula; udi mutungidianganyi wa tshitungu kadi kabena banze kukutungila wewe tshitungu. Hawamana kulekela kubutula bakuabo, nebakubutule wewe; hawamana kutungila bantu bakuabo tshitungu, nebakutungile wewe tshitungu.

Yeshaya 21:2

Bakummanyisha tshikena kumona tshikole; muena lukinu udi wenza malu a lukinu, muhaudi udi uhaula. Bandaku, Elama; tshintshimika, Madai! Nempuwishe kuhumuna kuonso kuakuvuisheye ku luseke alu.

Misambu 83:1

Nzambi, kuikadi biebe talalâ; kuhuwu biebe talalâ, Nzambi, kushikama hatuhu!

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.

Misambu 50:21

Wewe wakuenza malu â, ne meme nakuhuwa talalâ. Wakuela meji munda muebe ne, Nzambi udi bu meme mu malu onso. Kadi ndi ngamba kukubela mpindiu ne kukulondela malu â ku mesu kuebe.

Misambu 35:22

Yehowa, wewe wakumona bualu ebu; kuhuwu nansha. Mukelenge, kuikadi nʼanyi kule.

Yobe 15:15

Tangila mudi Nzambi kayi weyemena bandi ba tshijila, ne diulu kadiena ditoke tô ku mesu kuandi;

Estere 4:14

bualu bua biwahuwa biebe ku tshikondo etshi, dikuatshisha ne luhandu nebimueneke kudi Bena Yuda bifume ku muaba mukuabo, kadi wewe ne ba mu nsubu wa tatu webe nenufue; nganyi udi mumanye ne, Wewe wakabuela mu bukelenge anu bua tshikondo etshi mene?

1 Bakalenga 2:32

Yehowa neahingishe mashi andi ha mutu nʼandi, bualu bua yeye wakashiha bantu babidi bakadi bamuhita yeye buakane; yeye wakabashiha ne muele wa nvita; tatu wanyi Davidi kakamanya bualu ebu; mena abo akadi Abinê, muana wa Nê, kapitene ka masalayi a Bena Isalele, ne Amasa, muana wa Yetê, kapitene ka masalayi a Bena Yuda.

Yobe 21:7

Bualu kai bantu babi badi bashala ne muoyo, balua banunu ne bikala ne bukole bua bungi?

Misambu 18:26

Udi udimuenesha muena mutshima mutoke kudi muntu udi ne mutshima mutoke; udi udimuenesha muena budimu kudi muntu udi ne tshitshu.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 35:17

Mukelenge, neutangile bualu ebu hatuhu musangu bule bishi? Usungile muoyo wanyi musûke ku kubutula kuabo, usungile muoyo wanyi muine kudi nyama ya ntambue.

Misambu 35:25

Kabambi mu mitshima yabo ne, Eyo, ebu mbualu butudi basue. Kabambi ne, Tuakumumina.

Yeshaya 24:16

Tuakunvua misambu mufume kunfudilu kua buloba mimbe ne, Muntu Muakane atumbishibue! Kadi nakamba ne, Tshinyanu tshidi tshinkuata, tshinyanu tshidi tshinkuata, mulau wankuatshi! batundianganyi ba tshitungu badi bantungila tshitungu, e, batundianganyi ba tshitungu badi batamba kuritungila tshitungu.

Muadi 3:36

hanyangabo tshilumbu tshia muntu ne kulumbulula kubi, Mukelenge kena witabusha malu â.

Abakuke 1:14

Wewe udi uvuisha bantu bu minyinyi ya mu mai manene, bu bintu bidi bidikoka hanshi, bidi kabiyi ne mukokeshi ha mutu habi.

Zekâya 8:17

Yehowa udi wamba ne, Nansha umue wa munkatshi muenu kahangidishi bualu mu mutshima wandi bua kuenzeleye muena mutumba nʼandi bibi; kanunangi mutshihu wa mashimi, bualu bua ndi nkina malu â onso.

Dielulula 23:15

Kanuhingashi muhika wakunyemena kunudi munyeme mu bianza bia mukelenge wandi;

Yobe 24:23

Nzambi udi ubaha ditekemena, ne badi bajadikibuamu; mesu andi adi atangila nshila yabo.