2 Timote 2:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Nunku biumusha muntu malu mabi â munda muandi, yeye neikale bu tshitekelu tshiteka bua buneme, tshia tshijila, tshikumbane mudimu wa mukelenge, tshilongolola bua mudimu muimpe wonso.

MUKANDA WA MYIDI MUKULU

²¹ Padi muntu udilengeja ku malu mabi onsu andi ntela, nebamuangate bua midimu misunguluke. Bualu udi witaba Mfumu ne muoyi mujima, umulengelela. Ke mudiye mua kumuambuluisha ku midimu mimpe yonsu.

2 Timote 2:21 Referans Kwoze

2 Timote 3:17

bua muntu wa Nzambi ikale mukumbashibue, mulongolola tshishiki bua midimu yonso mimpe.

Efeze 2:10

Tuetu iudi mudimu wandi wakenzeye, tuakafukibua mu Kilisto Yesu bua tuetu tuenze midimu mimpe yakadianjila Nzambi kulongolola bua tuetu kuendamu.

2 Korente 7:1

Bana betu, bualu bua tuetu tudi ne milayi ei, tudilengeshe ku manyanu onso a mubidi ne a nyuma, tukumbashe tshijila tshietu mu ditshina dia Nzambi.

1 Petro 1:22

Bualu bua nuenu nuakulengesha mitshima yenu mu kutumikila kuenu kua malu a bushua bua kuikala ne dinanga dia bana benu ba mu Kilisto didi kadî ne lubombo, nunku nunangangane mu mitshima yenu bikole;

Misambu 119:9

Nsongalume nealengeshe bienzedi biandi munyi? Adimuke biandi bu mudi dî diebe diamba.

1 Yone 3:3

Muntu yonso udi ne ditekemena edi kudiye udi udilengesha bu mudiye mulengele.

2 Timote 2:20

Mu nsubu munene kamuena anu bitekelu bia ngolo ne bia argent, kadi mudi bia mitshi ne bia buloba kabidi; bikuabo biteka bua buneme ne bikuabo biteka kabi bua buneme.

Yeshaya 52:11

Umukai, umukai, nuluhuke mu muaba wawa, kanulengi tshintu tshidi tshibiha! Nuluhuke munkatshi mua musoko au; nudilengeshe, nuenu badi batuala malonga a Yehowa.

Tite 3:8

Dî edi didi mua kueyemenyibua; ne bua malu â ndi musue wewe kuâmba, mumanye ne, Nga bushua, hua bantu bakumana kuitabusha Nzambi bananukile mu midimu mimpe. Malu â adi mimpe ne adi avuishila bantu mushinga muimpe;

Bienzedi 9:15

Kadi Mukelenge wakamuambila ne, Ya biebe, bualu bua yeye udi bu luhanza lunakasungula bua kutuala dina dianyi ku mesu kua bisamba bia bende, ne kua banfumu, ne kua bana ba Isalele;

Yirmeya 15:19

Nunku Yehowa udi wamba ne, Biwalukila kundi, nenkuhingashe bua wewe wimane ku mpala kuanyi; biûmusha malu ebe matambe buimpe bua kâbuelakanyi ne malu adi mabi, wewe newikale bu mukana muanyi. Bobo nebahingane kûdi, kadi wewe kuena ne bua kuhingana kudibo.

1 Petro 1:7

bualu bua kuteta kua ditabusha dienu, nasha ditetshibua ne kahia, didi ditamba ngolo udi ujimina mushinga mukole, nekusanganyibue ne butumbi ne dinemekibua ne buneme halua dibuluibua dia Yesu Kilisto.

1 Korente 5:7

Umushai luevene lukulukulu bua nuenu nuikale bu mutanda muhia-muhia, bu munudi kanui ne luevene. Bualu bua mulambu wetu wa Kuhita kua Yehowa wakashihibua, Kilisto mene.

Malaki 3:3

Yeye neashikame hanshi ukunjisha ne ulengesha tshiamu tshia argent, nealengeshe bana ba Lewi. Neabakenkeshe bu or ne argent, bua bobo bikale kudi Yehowa bu bantu badi bafila milambu kudiye mu buakane.

Tite 3:14

Bantu betu bayile kabidi mua kunanukila mu midimu mimpe bua kuhetabo bintu bidibo nʼabi bualu; bua kabikadi bu bantu badi kabai bakuama mamuma.

Tite 3:1

Ubavuluishe bua kukokelabo banfumu ne bakokeshi, batumikile dî diabo, bikale balongolodibue bua mudimu muimpe wonso;

Yeshaya 1:25

Nempingishe tshianza tshianyi kabidi hamʼbidi hebe bua kukukengesha, nenkulengeshile ku tshikanganya tshiebe bu mudibo balengesha ne buanga bua nsabanga, nenkûmushile tshiamu tshiebe tshionso tshia hatuhu.

2 Korente 9:8

Nzambi udi mumanye mua kukumbasha ngasa yonso kunudi; bua nuenu, bua misangu yonso nudi ne dikumbana dionso mu muanda wonso, nukumbane mu mudimu muimpe wonso;

1 Timote 6:11

Kadi wewe, muntu wa Nzambi, nyema malu â; londa malu makane ne a buimpe bua Nzambi ne ditabusha ne dinanga ne ditantamana ne kalolo.

2 Timote 2:16

Kadi ehuka ku biakulakula bia hatuhu; bualu bua benʼabi nebatambe kudiunda mu malu adi kâi anemekela Nzambi;

2 Timote 4:11

Anu Luka nkayandi udi nʼanyi. Wangata Mâko, ulue nʼandi, bua yeye udi mukumbane mua kunkuatshisha mu mudimu wa Nzambi.