2 Samuele 9:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Wewe ne bana bebe balume ne bena mudimu bebe bonso nenumudimine budimi buandi; bûdi nʼabu mbua kulua ne bintu biudi uhuola, bua muana wa mukelenge webe ikale ne bia kudia; kadi Mefibosheta, muana wa mukelenge webe, neadie bidia ku mesa anyi tshiendelele. Siba wakadi ne bana ba balume dikumi ne batanu ne bahika makumi abidi.

MUKANDA WA MYIDI MUKULU

¹⁰ Wewe Siba, bana bebe ne bena mudimu bebe, nudimine Mefibaale madimi, bua kupetaye biakudia. Kadi netuikale tudia ne Mefibaale ku mesa anyi matuku onsu. Siba uvua ne bana ba balume dikumi ne batanu. Uvua ne bena mudimu makumi abidi.

2 Samuele 9:10 Referans Kwoze

2 Samuele 9:7

Davidi wakamuambila ne, Kutshinyi; bulelela, nenkufuile luse bualu bua Yonatana, tatu webe; nenkuhingishile buloba buonso bua Shaula, kaku webe; wewe neudie bidia ku mesa anyi matuku onso.

2 Samuele 19:28

Bualu bua bantu bonso ba mu nsubu wa tatu wanyi bakadi bu bantu bafue ku mesu kua mukelenge wanyi, kadi wewe wakashilaku muntu webe munkatshi mua bantu bakadi badia ku mesa ebe mene. Nunku ntshidi ne bua kudila kudi mukelenge kabidi bualu kai?

Luke 14:15

Mukuabo wa bakadi badia nʼandi bidia, hakunvueye mei a Yesu, wakamuambila ne, Wadia bidia mu bukelenge bua Nzambi udi ne disanka.

2 Bakalenga 25:29

Wakamuvula bilulu biakadiye muluate mu nsubu wa lukanu. Yehoyakina wakadia ku mesu kuandi matuku onso a muoyo wandi;

2 Samuele 16:3

Mukelenge wakamuebesha ne, Muana mulume wa mukelenge webe udi hanyi? Siba wakambila mukelenge ne, Mona, yeye udi mushale mu Yelushalema; bualu bua yeye wakamba ne, Lelu Bena Isalele nebampingishe mu bukelenge bua tatu wanyi.

2 Samuele 21:7

Kadi mukelenge wakasungila Mefibosheta, muana wa Yonatana, muana wa Shaula, bualu bua kuditshiha kuakaditshiheye nʼaku kudi Yehowa bualu buabo, kuakadi hankatshi ha Davidi ne Yonatana, muana wa Shaula.

1 Bakalenga 2:7

Kadi uleshe bana balume ba Bâzilai, Muena Gilada, luse: bobo bikale munkatshi mua badi badia ku mesa ebe; bualu bua bobo bakankuatshisha hanakanyema ku mpala kua muanʼenu Abashaloma.

Yirmeya 52:34

Mukelenge wa Babulona wakamuha dikuatshisha ku dituku ku dituku, tshituha tshia bintu bia buatshia-buatshia tô ne ku dituku dia lufu luandi. Wakenza nunku matuku onso a muoyo wandi.

2 Samuele 19:18

Bakatuma buatu bunene bua kusambula ba mu nsubu wa mukelenge, ne bua kuenza nʼabu bu muakasueye. Hakasabuka mukelenge Yadene, Shimei, muana wa Gela, wakamukukuila.