2 Samuele 6:2 - Mukanda wa Nzambi Dihungila Dikulukulu ne Dihungila Dihia-dihia 2003

² Davidi wakajuka ku Bâle-yuda ne bantu bonso bakadi nʼandi, bakaya kuhingisha mushete wa Nzambi udibo babikila ku DINA, dina mene dia Yehowa wa misumba udi mushikame ha mutu munkatshi mua bakeluba.

MUKANDA WA MYIDI MUKULU

² Kuyaye nabu ku Baala, mu Yuda, bua kuangata mushete wa tshijila wa Mvidi Mukulu. Mushete awu udi ne dina dia Maweja-Nangila, Mvidi Mukulu wa bena mvita ba bena Izrayele, udi usomba pa mutu pa bakerubine.

2 Samuele 6:2 Referans Kwoze

1 Samuele 4:4

Nunku bantu bakatuma dî ku Shilo, bakalua ne mushete wa tshihungidi tshia mei a Yehowa, utu washikama ku mutu kua bakeluba: bana ba balume babidi ba Eli, Hofeni ne Pinehasa bakadiku ne mushete wa tshihungidi tshia mei a Nzambi.

Misambu 80:1

Teleja matshu ebe, wewe Mulami wa mikoko wa Bena Isalele, wewe udi ulombola bana ba Yosefe bu tshisumbu tshia mikoko. Wewe udi mushikika mu nkuasa wa butumbi ha mutu ha bakeluba, uteme biebe.

1 Samuele 7:1

Bena Kîyata-yalima bakatua, bakangata mushete wa Yehowa, bakaya nʼau ku nsubu wa Abinadaba ku mukuna: bakajidila Eleazâ, muanʼandi mulume, bua kulameye mushete wa Yehowa.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

Yeshaya 54:5

Bua Mufuki webe udi bayebe, Yehowa wa misumba ndina diandi. Wa Tshijila wa Isalele udi Muhikudi webe; nebamubikile ne, Nzambi wa buloba buonso.

Yeshaya 47:4

Muhikudi wetu, Yehowa wa misumba ndina diandi, udi Wa Tshijila wa Isalele.

Yoshua 15:60

Kîyata-bâla (eu udi Kîyata-yalima kabidi) ne Laba; bimenga bibidi ne misoko yabi.

2 Samuele 22:11

Wakabanda ha nyima ha mukeluba, wakahahala; e, bakamutangila wenda ha mahuahua a luhehele.

1 Samuele 6:21

Bakatuma miloho kudi Bena Kîyata-yalima bambila ne, Bena Peleshete bakahingisha mushete wa Yehowa; luai bienu, nuye nʼau kuenu.

Misambu 99:1

Yehowa udi ukokesha; bantu bazakale! Udi mushikame biandi mu nkuasa wa butumbi ha mutu ha bakeluba; buloba butenkakane!