2 Samuele 4:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Yonatana, muana wa Shaula, wakadi ne muana mulume, wakadi mulema. Yeye wakadi ne bidimu bitanu hakunvuabo lumu lua Shaula ne Yonatana ku Yizelele; mulami wandi wakamuambula ku lubese, wakanyema; hakadiye unyema nunku, muana wakadishinda, nunku wakalua mulema. Dina diandi diakadi Mefibosheta.

MUKANDA WA MYIDI MUKULU

⁴ Yonatane, muana wa Shawule, uvua mushiye kabidi muana wa balume, dina diende Mefibaale Muana awu uvua mutshibuke mikolu yonsu ibidi. Pavua lumu lua lufu lua Shawule ne Yonatane lufume mu tshimenga tshia Yizreyele, Mefibaale uvua ne bidimu bitanu. Nanku, ndeji wa muana ewu, kumuela ku lubesa bua kunyema nende. Kadi pavuaye unyema, muana kufinuka kudishinda, kutshibuka.

2 Samuele 4:4 Referans Kwoze

2 Samuele 9:3

Mukelenge wakamukonka ne, Kakuena muntu mukuabo udi mushale mu nsubu wa Shaula bua meme kumufuila luse lua Nzambi, anyi? Siba wakambila mukelenge ne. Muana mukuabo wa Yonatana udi mushale, yeye udi mulema.

1 Kulondolola 9:40

Meliba-bâla wakadi muana wa Yonatana; Meliba-bâla wakalela Mika.

1 Kulondolola 8:34

Muana wa balume wa Yonatana wakadi Meliba-bâla; Meliba-bâla wakalela Mika.

2 Samuele 9:6

Mefibosheta, muana wa Yonatana, muana wa Shaula, wakalua kudi Davidi, wakatua mpala wandi hanshi, wakamukukuila. Davidi wakamba ne, Mefibosheta. Yeye wakamukudimuna dî ne, Tangila, muntu webe!

1 Samuele 29:11

Nunku Davidi wakabika ne dinda dionso, yeye ne bantu bandi, bua kuhingana ku buloba bua Bena Peleshete. Bena Peleshete bakabanda ku Yizelele.

1 Samuele 29:1

Bena Peleshete bakasangisha bisumbu bia masalayi abo ku Afeke: Bena Isalele bakasa tshitudilu tshiabo hehi ne mushimi wa mai udi mu Yizelele.

2 Samuele 21:7

Kadi mukelenge wakasungila Mefibosheta, muana wa Yonatana, muana wa Shaula, bualu bua kuditshiha kuakaditshiheye nʼaku kudi Yehowa bualu buabo, kuakadi hankatshi ha Davidi ne Yonatana, muana wa Shaula.

2 Samuele 9:13

Nunku Mefibosheta wakashikama mu Yelushalema; wakadia bidia ku mesa a mukelenge matuku onso: yeye wakadi mulema.

1 Bakalenga 11:17

kadi Hadada ne bantu bakuabo ba tatu wandi bakanyemena mu Ejipitu; Hadada wakatshidi muana mukese.