2 Samuele 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ muana wandi muibidi wakadi Kileaba, muana wa Abigayila wakadi mukashi wa Nabala, Muena Kâmele; muisatu wakadi Abashaloma, muana wa Mâka, muana mukashi wa Talemai, mukelenge wa mu Geshû;

MUKANDA WA MYIDI MUKULU

³ Muana muibidi udi Kilabe, muana wa Abigayile, muena mu Karmele, mukaji mukamba uvua Nabale mushiye. Muana muisatu udi Absalome, muana wa Maaka, muana wa Talmayi, mukalenga wa bena Ngeshure.

2 Samuele 3:3 Referans Kwoze

1 Samuele 27:8

Davidi ne bantu bandi bakaya, bakahaula bintu bia Bena Geshû ne Bena Gêze ne Bena Amaleka: aba bakadi bena buloba ba diambedi, bakadi bashikama mu nshila udi uya ku Shû tô ne ku buloba bua Ejipitu.

1 Kulondolola 3:1

Bana ba balume ba Davidi bakamulelelabo mu Hebelone: Amenona, muanʼa bute, muana wa Ahinoama, Muena Yizelele; muana muibidi Danyele, muana wa Abigayila, Muena Kâmele;

2 Samuele 2:2

Davidi wakayaku ne bakashi bandi babidi, Ahinoama, Muena Yizelele, ne Abigayila, wakadi mukashi wa Nabala, Muena Kâmele.

1 Samuele 25:42

Abigayila wakajuka lubilu, wakabanda ha nyima ha nyama wa mpunda, ne bansongakashi bandi batanu bakamulonda; yeye wakalonda bantu ba Davidi, wakalua mukashi wandi.

1 Samuele 25:3

Dina dia muntu eu diakadi Nabala; dina dia mukashi wandi Abigayila; mukashi eu wakadi muena meji, wakadi ne mpala mulengele; kadi mulume wandi wakadi muena lukinu, wakadi ne bienzedi bibi; wakadi wa mu tshiota tshia Kaleba.

Yoshua 13:13

Kadi Bena Isalele kabakihata Bena Geshû ne Bena Mâka; kadi Bena Geshû ne Bena Mâka badi bashikama munkatshi mua Bena Isalele tô ne ku dituku edi.

Dielulula 3:14

Yai, muana mulume wa Manashe, wakangata luseke luonso lua Âgoba tô ne ku butshika bua Bena Geshû ne Bena Mâka, wakidika buloba bua Bashana bu dina diandi ne, Hawota-yai tô ne ku dituku edi.)

2 Samuele 18:33

Kanyinganyinga kakole kakakuata mukelenge, yeye wakabanda ku nsubu wakadi ku mutu kua tshibi, wakadila; hakadiye uya, wakamba ne, Muanʼanyi Abashaloma, muanʼanyi, muanʼanyi Abashaloma! Meme nakadi kukufuila, Abashaloma, muanʼanyi, muanʼanyi!

2 Samuele 14:24

Mukelenge wakamba ne, Aye biandi ku nsubu kuandi, katangidi mpala wanyi. Nunku Abashaloma wakaya ku nsubu wandi, kakatangila mpala wa mukelenge.

2 Samuele 13:1

Ku nyima kua bualu ebu Abashaloma, muana wa Davidi, wakadi ne muanʼabo wa bakashi mulengele kumona, dina diandi diakadi Tamâ; Amenona, muana wa Davidi, wakamunanga.

2 Samuele 14:32

Abashaloma wakakudimuna Yoaba dî ne, Mona, nakakubikila ne, Lua kunoko, bua kukutuma kudi mukelenge bua kumuebesha ne, Wakumbikidila ku Geshû bua tshinyi? Biakadi bimpe bua meme kushalaku. Nunku witabushe bua meme kutangila mpala wa mukelenge; ne bingikala ne bualu bubi, anshihe.

2 Samuele 15:7

Hakahita bidimu binai, Abashaloma wakambila mukelenge ne, Ndi nkusengelela ne, Witabushe bua meme kuya kushikisha kuditshiha kuanyi kunakaditshiha kudi Yehowa mu Hebelone.

2 Samuele 15:8

Bualu bua hakadi muntu webe mushikame mu Geshû wa mu Sulia wakaditshiha mutshihu ne, Biampingisha Yehowa mu Yelushalema, meme nentendelele Yehowa.

1 Bakalenga 1:6

Tatu wandi kakanza kumufikisha munda tô matuku andi onso bua kumukonka ne, Wewe wakuenza nunku bua tshinyi? Yeye wakadi muntu mulengele, wakaledibua ku nyima kua Abashaloma.

1 Bakalenga 2:15

Yeye wakamuambila ne, Wewe udi mumanye ne, Bukelenge ebu buakadi buanyi, ne Bena Isalele bonso bakateka mesu abo kundi bua meme kubakokesha; kadi bukelenge buakukudimuka mpindiu buakulua bua muanʼetu, bualu bua Yehowa wakamuhabu.

1 Kulondolola 3:2

muana muisatu Abashaloma, muana wa Mâka, muana wa bakashi wa Talemai, mukelenge wa mu Geshû; muana muinai Adoniya, muana wa Hagita;

2 Samuele 14:23

Nunku Yoaba wakajuka, wakaya ku Geshû, wakahingana ne Abashaloma ku Yelushalema.