2 Samuele 19:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Bantu bonso ba mu bisamba bionso bia Bena Isalele bakatandangana bamba ne, Mukelenge wakatusungila mu bianza bia bena lukuna betu; wakatusungila mu bianza bia Bena Peleshete kabidi, ne katataka yeye wakanyema mumuke mu buloba bualu bua Abashaloma.

MUKANDA WA MYIDI MUKULU

⁹ Ke mukalenga Davide kuya kusomba pabuipi ne tshiibi tshia ku tshimenga. Kumanyishabu bena mvita bonsu bualu abu. Kufikabu bonsu muaba uvua mukalenga Davide. Bena mvita ba Absalome bavua bamane kunyema. Muntu yonsu wa kudibu uvua muye ku nzubu kuende.

2 Samuele 19:9 Referans Kwoze

2 Samuele 15:14

Davidi wakambila bantu bonso bakadi nʼandi mu Yelushalema ne, Jukai, tunyemai; bituashala, nansha umue wetu neahanduke mu bianza bia Abashaloma; tuyai lubilu, yeye katshetshi; biatuheteye neabenzele bibi, neabutule musoko ne miele ya nvita.

2 Samuele 5:20

Davidi Wakafika ku Bâla-pelasima; Davidi wakabashihelaku; wakamba ne, Yehowa wakahita bena lukuna banyi bukole ku mpala kuanyi, bu mudi mai ahita bintu bukole ku mpala kuau. Nunku wakidika muaba au ne, Bâla-pelasima.

1 Samuele 19:5

bualu bua yeye wakateka muoyo wandi mu tshianza tshiandi hakashiheye Muena Peleshete, ne Yehowa wakaha Bena Isalele luhandu lunene: wewe wakatangila bualu ebu, wakasanka; wewe udi musue kumatshisha mashi a muntu muakane bua kushiha Davidi udi kayi ne bualu tshinyi?

1 Samuele 18:25

Shaula wakamba ne, Nuambile Davidi ne, Mukelenge kena ukeba biuma bia dibaka anu tukoba tua Bena Peleshete lukama: bua kusombuela bena lukuna ba mukelenge. Shaula wakadi wela meji munda muandi bua kushihesheye Davidi ku bianza bia Bena Peleshete.

1 Samuele 17:50

Nunku Davidi wakalota Muena Peleshete bukole ku tshieledi ne dibue; wakataha Muena Peleshete, wakamushiha; kadi Davidi kakadi ne muele wa nvita mu tshianza tshiandi.

Ekesode 32:24

Meme nakabambila ne, Muntu yonso udi ne or akuohole, ne bobo bakafua or kundi, nakuela mu kahia ne kana aka ka ngombe ka or kakahatuka mu kahia.

2 Samuele 19:10

Abashaloma utuakela manyi bua kuikaleye ku mutu kuetu wakafua mu mata. Bualu kai kanuena ne di bua kuhingisha mukelenge?

2 Samuele 19:40

Nunku mukelenge wakaya ku Gilegala, ne Kimehama wakaya nʼandi; Bena Yuda bonso ne tshituha tshia Bena Isalele kabidi bakalua ne mukelenge.

2 Samuele 22:44

Wewe wakasungila kabidi ku matandu a bantu banyi; wakajadika bua meme kuikala ku mutu kua bisamba bia bantu; bantu bandi tshiyi mumanye nebankuatshile mudimu.

Misambu 18:43

Wewe wakansungila ku mafuilangana a bantu; wakanteka ku mutu kua bisamba bia bantu. Bantu banakadi tshiyi muanze kumanya diambedi bakankuatshila mudimu.

2 Samuele 18:17

Bakangata Abashaloma, bakamuha mu lubuebue lunene luakadi muitu, bakamungushila mushiki munene wa mabue; Bena Isalele bonso bakanyema muntu ne muntu ku ntenta wandi.