2 Bakalenga 23:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Wakashimbula nsubu ya bena Sodoma yakadi ha buihi ne nsubu wa Yehowa kuakadi bakashi bakuma bilulu bia Bashela.

MUKANDA WA MYIDI MUKULU

⁷ Yoshiya kupula nzubu ivua pabuipi ne nzubu wa Mvidi Mukulu, muaba uvua bantu bendela tshiendenda tshia kutendelela mvidie, kabidi uvua bakaji batelela bilamba bia kutendelela nabi mvidie mukaji Ashera.

2 Bakalenga 23:7 Referans Kwoze

Yezekiyele 16:16

Wakavula bivualu biebe, wakadilongoluela nʼabi bitendelelu ha mitu ha mikuna bilengeshibue ne mibidi ya mushindu ne mushindu, wakendelamu masandi; malu a mushindu eu kaena manze kuenjibua, ne kaena enjibua kabidi.

1 Bakalenga 15:12

Yeye wakihata bena Sodoma mu buloba, wakumusha mpingu yonso yakenza batatuʼandi.

1 Bakalenga 14:24

bena Sodoma kabidi bakadi mu buloba; bobo bakenza malu onso a bundu akenza bisamba abi biakadi Yehowa muihate ku mesu kua Bena Isalele.

Osheya 2:13

Nunku Yehowa udi wamba ne, Nendue kudiye ne makenga bua matuku akoshileye Ba-Bâla musenga wa manananshi, ne akadilengesheye ne kakanu ka ku diulu ne bilenga biandi, hakalondeye bamunangi, ne wakatula bualu buanyi muoyo.

Yezekiyele 8:14

Hashishe wakalua nʼanyi ku tshibi tshia ku tshibuelelu tshia ku nsubu wa Yehowa tshia ku luseke lua nôde; nakamona bakashi bashikameku badila Tamuza.

2 Kulondolola 34:33

Yoshiya wakumusha malu a bundu onso akadi mu maloba a Bena Isalele; wakenzesha bantu bonso ba mu Isalele bua bobo bakuatshile Yehowa Nzambi wabo mudimu. Mu matuku andi onso kabakalekela kulonda Yehowa, Nzambi wa bankambua babo.

1 Bakalenga 22:46

Yeye wakumusha tshituha tshia bena sodoma bakadi bashala mu buloba mu matuku a tatu wandi Asa.

Dielulula 23:17

Mukashi wa masandi kikadi munkatshi mua bana bakashi ba mu Isalele, ne muena Sodoma kikadi munkatshi mua bana balume ba mu Isalele.

Dibadika 25:1

Bena Isalele bakashikama mu Shitima, bantu bakabanga kuenda masandi ne bana bakashi ba Bena Moaba,

Osheya 4:13

Badi bashihela mpingu milambu ha mitu ha mikuna mile, badi bayoshela musenga wa manananshi ha mikuna mikese, muinshi mua mitshi ya chêne, ya peuplier ne ya térébinthe, bualu bua dileshi diai didi dimpe. Nunku bana benu ba bakashi badi balonda malu a masandi, ne bakashi ba bana benu ba balume badi benda masandi.

Osheya 4:14

Tshiena nkengesha bana benu ba bakashi habuelabo mu bundumba, anyi bakashi ba bana benu ba balume hendabo masandi; bualu bua balume bine badi baya ha nkayabo ne bakashi ba masandi, badi bashihela mpingu milambu diatshimue ne bakashi ba masandi ba mu bitendelelu. Bantu badi kabayi bajingulula nebabutudibue.